Liao është një qytezë e vogël e zonës malore, që ndodhet në pjesën jugore të provincës Zhejiang, pranë qytetit Wenzhou. Kjo qytezë ka një popullsi prej mbi 18 mijë banorësh. Por 14 mijë njerëz kanë marrëdhënie farefisnore të drejtpërdrejta jashtë vendit. Shumica e tyre kanë valutë të huaj. Prandaj, shumë njerëz e kanë shprehi njohjen e kursit të valutave.

Shumë banorë të Liaos kanë marrë pjesë në tregtinë jashtë vendit. Ata i kalojnë mallrat e vogla me çmim të ultë dhe me cilësi të mirë jashtë vendit, për t'i shitur këto mallra në dorën e vendasve dhe të kinezëve që jetojnë jashtë vendit. Shoqata e emigrantëve kinezë të qytezës Liao ka një stacion të shërbimeve të eksportit, për të ndihmuar emigrantët kinezë në nënshkrimin e kontratave të blerjes së mallrave dhe për të bërë biznesin e import-eksportit. Vëllimi vjetor i eksportit i kësaj qyteze arriti në 50 milionë dollarë amerikanë.

Në ndërmarrjet me investime të huaja në Liao, 80% prej tyre janë investime të emigrantëve kinezë. Shumë emigrantë kinezë përgjigjen për mbledhjen e informacionit të kërkesave për mallra jashtë vendit dhe për shitjen e tyre. Të afërmit e tyre të vendit përgjigjen për prodhimin e mallrave dhe për administrimin e ndërmarrjeve. Shumica e ndërmarrjeve prodhojnë kryesisht rroba, valixhe etj.

Në këtë qytezë ka një kurs të veçantë. Përmbajtjet e mësimeve në të përfshijnë çështjet ndërkombëtare, gjendjen e eksportit të tregtisë së jashtme, drejtimin e investimeve, njohuritë monetare etj. Të gjithë banorët e kësaj qyteze mund ta ndjekin falas këtë kurs.

Vitin e kaluar, tregtia e jashtme kineze e rrobave u bllokua në Itali. Konteinerët e shumtë mbetën në skele. Banorët e Liaos e morën vesh shumë herët këtë lajm dhe lajmëruan në kohë për këtë gjendje në 18 ndërmarrje të prodhimit të rrobave. Kryetari i Shoqatës së emigrantëve kinezë të kësaj qyteze dhe Shoqëria e tregtisë së jashtme arritën atje për zgjidhjen e këtij problemi, duke mbrojtur interesat e veta. (Sihai)