Komiteti Ndërkombëtar Paralimpik ose IPC është përfaqësuesi i sportit paralimpik në botë, është i përgjegjshëm për organizimin dhe koordinimin e Lojërave Paralimpike dhe të lojërave të ndryshme të nivelit të lartë në të gjithë botën. Komiteti Ndërkombëtar Paralimpik është një organizatë pa qëllim për fitim dhe është përbërë nga komitetet paralimpike të 157 vendeve dhe rajoneve të botës dhe nga 5 federata sportive të njerëzve me të meta fizike. Selia e tij ndodhet në Bonne të Gjermanisë dhe gjuha zyrtare është anglishtja. Organizata më e lartë legjislative është asambleja, dhe ka disa organizata varëse, si komiteti ekzekutiv, komiteti administrativ, etj. Tani kryetari i komitetit ekzekutiv të Komitetit Ndërkombëtar Paralimpik është Philip Craven i Anglisë.

Organizata të tjera sportive të njerëzve me të meta fizike janë vetëm për disa lojtarë me të meta të caktuara fizike ose për disa sporte të caktuara, ndërsa Komiteti Ndërkombëtar Paralimpik përfaqëson të gjithë njerëzit me të meta fizike dhe të gjithë sportet paralimpike. Komitetet Paralimpike të vendeve të ndryshme që krijojnë komitetin Ndërkombëtar Paralimpik janë të besueshme se e ardhmja e sporteve paralimpike është që të bashkojë të gjithë lojtarët me të meta fizike dhe të organizojë lojëra të ndryshme për ta.

Në krahasim me Lojërat Olimpike, historia e Lojërave Paralimpike është pak e shkurtë dhe burohet nga viti 1948, kur u organizua nga zoti Ludwig Guttman Spartakida e parë Stoke Mandeville për veteranët me dëmtime në palcë kurrizore. Dhe më pas u formuan disa organizata ndërkomëbtare të sporteve për njerëzit me të meta fizike. Deri tani, ka gjithsej 6 organizata të tilla. Përveç federatës ndërkombëtare të sportit për njerëzit të shurdhmemec, 5 të tjera janë anëtarët e Komitetit Ndërkombëtar Paralimpik. Ata janë përkatësisht:

Shoqata Internacionale të njerëzve të verbër

Federata internacionale të sporteve në karrocë invalidi

Organizata internacionale e sportit të njerëzve me të meta fizike

Shoqata internacionale e sportit për lojtarët me paralizë cerebrale

Federata internacionale e sportit për lojtarët me vështirësi mendore

Detyra dhe synimi i Komitetit Ndërkombëtar Paralimpik

Pas rishikimeve dhe rishqyrtimeve të shumta, në mars të vitit 2003, u miratua nga komiteti ekzekutiv të Komitetit Ndërkombëtar Paralimpik synimi i tij i ri: "T'u krijojmë lojtarëve kushte të lira për të marrë arritje të mira dhe të inkurajuar të gjithë botën".

Kjo motto na ka treguar qartë synime afatgjatë të Komitetit Ndërkombëtar Paralimpik:

1. "T'u krijojmë lojtarëve kushte të lira" është detyra e tij kryesore. Kushte të mira janë bazë të sukseseve të lojtarëve dhe mbi këtë bazë të fortë, lojtarët mund të marrin arritje të shkëlqyera.

2. Lojtarët paralimpik: pika kryesore e aktiviteteve të Komitetit Ndërkombëtar Paralimpik është të ndihmojë të gjithë lojtarët me të meta fizike të arrijnë nivele të larta sportive nga faza fillestare nëpërmjet Lojërave Paralimpike.

3. arritje të mira: ky është një nga synime kryesore të komitetit si një organizatë sportive.

4: të inkurajojë mbarë botën: qëllimi i rëndësishëm i komitetit është të krijojë një botë më të bukur për njerëzit me të meta fizike nëpërmjet sportit.

Prandaj, përhapja e aktiviteteve të komitetit ndërkombëtar paralimpik dhe marrëdhëniet midis komitetit dhe organizatave të tij varëse janë shumë të rëndësishme. (Jiang Lei)