dëgjoni

Lindja e rajonit autonom Guangsi-Zhuang është zonë bregdetare e Kinës jug-lindore me ekonomi relativisht të zhvilluar, pjesa jug-perëndimore e këtij rajoni kufizohet me Vietnamin me një gjatësi të vijës kufitare prej një mijë kilometrash, epërsia e tij gjeografike është shumë e dukshme. Nënkryetari i rajonit autonom Guangsi-Zhuang, z. Guo Shengkun i tha gazetarit se pozita e veçantë gjeografike e Guangsisë është në favor të zhvillimit të bashkëpunimit ekonomik me botën e jashtme.

Epërsia e dukshme rajonale dhe gjeografike e Guangsisë është bërë një platformë e Kinës, që lidhet me vendet e ndryshme të Azisë jug-lindore.

Sipas njoftimeve, tani, në Guangsi ka 12 qytete kufitare dhe 21 porte. 3 rrugë automobilistike kryesore të Kinës shtrihen në vendet e ndryshme të Azisë jug-lindore, duke kaluar nëpër Vietnami. Ndër to 2 prej tyre janë brenda Guangsisë. Hekurudhat e Guangsit janë të lidhura me hekurudhat e Vietnamit, treni mund të arrijë drejtpërdrejt në Hanoi, kryeqyteti i Vietnamit. Në anën e transportit detar, Guangsi ka portet më të afërta kontinentale të Kinës, që lidhen me vendet e Aseanit. Në anën e transportit ajror, qytetet Naning dhe Guilin të Guangsisë kanë hapur linjat ajrore me qytetet e vendeve të Aseanit.

Qyteti Dongxing është një nga qytetet kufitare të Guangsit. Ai ndahet nga një lumë me një qytet kufitar të Vietnamit. Çdo ditë banorët e kytyre qyteteve bëjnë tregti kufitare. Një banor i qytetit Dongxing, z. Liao Xin ka bërë biznes për 5 vjet në këtë qytet kufitar të Vietnamit.

Zoti Liao tha se në Dongxing ka mbi 1000 personë që bëjnë tregti kufitare. Njëkohësisht edhe vietnamezë kanë ardhur në Dongxing për biznes. Midis dy brigjeve të lumit Bailun, tregtarët kinezë dhe vietnamezë mund ta zhvillojnë lirisht biznesin. Tani, Dongxing është bërë një nga portet më kryesore kontinentale të Kinës. Vitin e kaluar, vëllimi tregtar i import-eksportit i këtij qyteti i kaloi të 2 miliardë juanët.

Mallrat kryesore të vendit, që eksporton Guangsi në vende të Azisë jug-lindore, janë rrobat, pajisjet elektro-shtëpiake, pajisjet mekanike etj. Njëkohësisht, Guangsi importon kryesisht nga këto vende prodhime bujqësore dhe lëndë të para industriale. Në vitin 2004, vëllimi tregtar midis Guangsisë dhe vendeve të Aseanit i kaloi të njëmiardë dollarët amerikanë, duke zënë një të katërtat e vëllimit të përgjithshëm tregtar të gjithë rajonit autonom Guangsi-Zhuang.

Para 3 vjetëve, Kina nënshkroi marrëveshjen kornizë të bashkëpunimit të plotë ekonomik me Aseanin dhe ka krijuar zonën e tregtisë së lirë Kinë-Asean. Kjo i ka sjellë Guangsisë raste të reja të zhvillimit. Për të forcuar më tej bashkëpunimin ekonomik me vendet e ndryshme të Azisë jug-lindore, Guangsi ka përsosur pandërprerë infrastrukturën dhe mjedisin e investimeve. Ndër to më e rëndësishmja është përmirësimi i gjendjes së komunikacionit vendor.

Për shkak se gjendja gjeografike e Guangsisë është shumë e ndërlikuar, transporti ka penguar gjithmonë zhvillimin ekonomik të Guangsisë. Prandaj, përmirësimi i gjendjes së transportit është bërë një problem kryesor i zgjidhjes urgjente për shpejtimin e zhvillimit të ekonomisë së Guangsisë. Sipas të dhënave statistikore, vitet e fundit, Guangsi ka investuar shumë fonde të mëdha në forcimin e ndërtimit të infrastrukturës së komunikacionit të këtij rajoni. Vetëm vitin e kaluar, u investuan 13 miliardë juanë në ndërtimin e rrugëve automobilistike. Nënkryetari i Rajonit Autonom Guangsi-Zhuangut, z, Guo Shengkun i tha gazetarit se tani, ne kemi shpejtuar hapjen e jashtme, sidomos ndërtimin e strukturës së komunikacionit të Guangsisë, për të nxitur zhvillimin ekonomik.

Distrikti Shangsi që ndodhet në thellësinë e maleve ka fituar shumë dobi nga përmirësimi i transportit. Në vitin 2003, ky distrikt kreu transformimin e infrastrukturës së komunikacionit. Shumë biznesmenë kanë ardhur këtu për investime. Drejtori i përgjithshëm i Shoqërisë së kufizuar të investimeve të energjisë elektrike Longtai të Guangsisë, z. Yu Hanxin i tha gazetarit se ai shprehu kënaqësi shumë të madhe për burimet vendëse dhe për mjedisin e investimeve.

Vitet e fundit, epërsia rajonale jo vetëm i ka sjellë Guangsisë zhvillimin e tregtisë së jashtme dhe investime të mëdha, por edhe ka nxitur zhvillimin e turizmit dhe të sektorëve të shërbimeve. (Sihai)