Pra tema e luftës së dytë botërore është bërë një temë e përhershme e filmave artistike të vendeve të ndryshme.

Lidhur me këtë, bashkëpunëtori i Institutit të Studimeve Artistike të Kinës dhe anëtari i parë i huaj i nderit i Lidhjes së shkrimtarëve dhe artistëve shqiptarë, zoti Zheng Enbo tha : Përshkrimi dhe pasqyrimi i luftës nacional-clirimtare është një nga temat më kryesore të kinematografisë shqiptare.

Në vitet 70 të shekullit të kaluar, kur Kina ndodhej në një periudhë të mungesës së filmave artistikë, një numër filmash artistikë shqiptarë e plotësuan këtë mungesë duke pasuruar jetën shpirtërore të njerëzve të asaj kohe.

Nga këta filma, shumica janë me temë të luftës së dytë botërore. Si "Oshëtimë në bregdet", "Ngadhnjim mbi vdekjen ", " I teti në bronx ", " Njësiti guerril" etj. Në këta filma i thurrin lavdi popullit heroik shqiptar dhe luftëtarëve trima partizanë që luftuan me gjakderdhje kundër agresorëve fashistë.

Filmi " I teti në bronx " ka ushtruar një ndikim të madh në Kinë. Skulptori i ri i fakultetit të skulpturës së Institutit Qendror të Arteve Figurative të Kinës Van Zhong tha se filmi " I teti në bronz " më ka lënë një përshtypje aq të thellë sa që ai përcaktoi edhe jetën time profesionale, pasi në hyrje të tij ishte një skulptor shqiptar duke bërë një bust me baltë. Mua më dukej se skulptura ishte shumë interesante dhe zgjodha profesionin e skulptorit.

Në fund të vitit të kaluar, poetja, skenararistja e shkrimtarja e njohur shqiptare Natasha Lako erdhi së bashku me një kolege të saj për vizitë në Kinë. Ajo u prit jashtëzakonisht edhe nga kinezët për një arsye tjetër, për faktin se ajo është bashkëshortja e aktorit të njohur shqiptar Mevlan Shanaj, që luajti rolin kryesor në filmin " I teti në Bronz ".

Disa anëtarë të delegacionit të kinematografisë kinezë u takuan dhe shkruan një darkë për nder të saj pasi ishin njohur gjatë vizitës në Shqipëri dhe ishin ftuar si mysafirë në shtëpinë e saj, ku kaluan çastin e gëzuar së bashku me burrin e saj Mevlan Shanaj, një aktor i adhuruar shumë nga anëtarët e delegacionit të kinematografisë kineze.

Pastaj edhe prezantuesi i njohur i Televizionit Qendror të Kinës zoti Cui Yongyuan shtroi në një lokal të kombësisë mongole " Tengelitara " një darkë të pasur me qingj të pjekur plot me këngë e valle të kombësisë mongole, sepse zoti Cui ishte adhuruesi i filmave artistikë shqiptarë, sidomos atij i pëlqen Mevlan Shanaj që luajti rolin e Ibrahimit në filmin " I Teti në Bronx ".

Zonja Natasha Lako u ftua edhe për vizitë në Radion e Jashtme të Kinës. Në redaksinë e RJK të gjuhës shqipe, ato hapën faqen e internetit të RJK në gjuhën shqipe, panë me interes rubrika të ndryshme të kësaj faqeje si dhe artikuj të shkruar në gjuhën shqipe. Në rubrikën mbi javën e filmave artistikë kinezë në Shqipëri, znj Natasha Lako pa edhe fotografitë e burrit të saj Mevlan Shanaj, dalë bashkë aktoren kineze Narenhua gjatë takimit në Shqipëri me delegacionin kinematografik kinez. Kjo gjë e gëzoi më shumë. Ajo foli për arkivin e filmit shqiptar, për pritjen e ngrohtë që i rezervoi ajo delegacionit kinematografik kinez në shtëpinë e saj, për rolet e luajtura nga burri i saj Mevlan Shanaj në filmin " I teti në bronz " dhe në filma të tjera, për filmin e fundit artistik "Lule të kuqe dhe lule të zeza" me skenar të shkruar prej saj, për djalin si regjisor dhe burrin aktor kryesor të këtij filmi.

Përveç filmit " I teti në bronx " edhe filmat e tjerë shqiptar me temë të luftës antifashiste u kanë lënë spektatorëve kinezë përshtypje të thella.