degjoni

Sivjet është 60-vjetori i fitores së luftës botërore antifashiste. Kohët e fundit, popujt paqedashes të vendeve të ndryshme të botës organizuan aktivitete të ndryshme kremtuese kushtuar këtij përvjetori të shënuar. Para 60 vjetësh, agresorët fashistë shpërthyen një luftë të paparë në histori, më se 60 vende u prekën dhe më se 2 miliardë banorë vuajtën nga kjo luftë katastrofale. Vetëm duke i mbajtur fort në mend mësimet historike, duke mos harruar vuajtjet e popujve prej luftës, mund të parandalojmë tragjedi të tilla historike.

Lufta e dytë botërore është padyshim një fatkeqësi katastrofale e paparë në historinë e njerëzimit. Por duke u nisur nga kënvështrimi i kinematografisë botërore, kjo luftë i ka dhënë material të përhershëm krijimtarisë letrare e artistike si dhe asaj kinematografike.

Njerëzimi nuk mund ta harrojë kurrë luftën e dytë botërore. Pas kësaj lufte, njerëzit nga njera anë mbulonin plagët e luftës, kurse nga ana tjetër, me vepra letraro-artistike e hapin përsëri këtë plagë të mbuluar duke i detyruar njerëzit ta rikujtonin atë fatkeqësi të kaluar.

Pra tema e luftës së dytë botërore është bërë një temë e përhershme e filmave artistike të vendeve të ndryshme.

Lidhur me këtë, bashkëpunëtori i Institutit të Studimeve Artistike të Kinës dhe anëtari i parë i huaj i nderit i Lidhjes së shkrimtarëve dhe artistëve të Shqiptarisë, zoti Zheng Enbo tha: Përshkrimi dhe pasqyrimi i luftës nacional-clirimtare është një nga temat më kryesore të kinematografisë shqiptare. Në vitet 60 dhe 70 të shekullit të kaluar, u xhiruan një sërë filmash me temën antifashiste në Shqipëri. P.sh " Oshëtimë në bregdet ", " Njesiti guerril "," I teti në Bronx", " Shtigjet e luftës "etj...

Zoti Zheng Enbo është i vetmi përkthyesi i gjuhës shqipe që ka përkthyer një sërë veprash letrare shqiptare siç janë " Vjersha dhe poema të zgjedhura të Dritëro Agollit ", " Bagëti dhe bujqësi ", " Heronjtë e Vikut ", " Alarme të përgjakura ", " Shqiponjat fluturojnë lart ", " Gjenerali i ushtrisë së vdekur ", " Përsëri në këmbë " dhe"Kthimi i Ushtrisë së vdekur ". Ai ka botuar edhe " Historinë e letërsisë shqiptare ", " Historia e shekullit të 20-të të letërsisë së Shqipërisë" etj.

Në vitet 70 të shekullit të kaluar, kur Kina ndodhej në një periudhë të mungesës së filmave artistikë, një numër filmash artistikë shqiptarë e plotësuan këtë mungesë duke pasuruar jetën shpirtërore të njerëzve të asaj kohe.

Nga këta filma, shumica janë me temë të luftës së dytë botërore. Si "Oshëtimë në bregdet", "Ngadhnjim mbi vdekjen ", " I teti në bronx ", "Njësiti guerril" etj. Në këta filma i thurrin lavdi popullit heroik shqiptar dhe luftëtarëve trima partizanë që luftuan me gjakderdhje kundër agresorëve fashistë.

Për arsye se në strukturën e disa filmave artistikë shqiptarë është përdorur retrospektiva, spektatorët kineze të atëkohëshëm që ishin mësuar me një narracion, si të një përralle, në mënyrë të rrjedhshme, nuk i kuptuan fimat, sidomos filmin " I teti në bronx ". Në film duket se flitet për 7 persona, i teti ishte një një bust i bronx-të i heroit të rënë dëshmor. Prandaj. Filmi shqiptar " I teti në bronx " u ka lënë përshtypjet më të thella spektatorëve kinezë.

Zoti Zheng Enbao vazhdoi : Filmi " I teti në bronx është një film shumë i mirë me nivel të lartë artistik që gjeti jehonë të madhe në Kinë.

Ky film u xhirua në bazë të romanit të shkrimtarit të madh shqiptar Dritero Agolli " Komisari Memo ".

Filmi artistik " I teti në bronx " është përpunuar në bazë të romanit të shkrimtarit të madh shqiptar Dritëro Agolli " Komisari Memo". Ai është edhe miku im i dashur 40 vjeçar.

Përveç këtij filmi, unë kam parë edhe një serë filmash të tjerë shqiptarë p.sh filmin " Njesiti Guerril ", i shkruar nga miku im i ngushtë Skender Jasa. Edhe filmi tjetër artistik "Mengjese lufte " shumë i vleftshëm për të rriturit dhe për fëmijët është shkruar nga miku im Dhimitër Xhuvani. Ai ka shkruar më se 30 romane e novela dhe po vazhdon të krijojë vepra të tjera artistike. Këto filma artistikë shqiptarë me temë të luftës anfifashiste kanë luajtur dhe po luajnë një rol shumë të madh edukativ për përgatitjen e brezit të ri të Kinës.(zhai)