Lin Xhynxhie nga Singapori, është një yll i ri i rallë që është kompozitor e njëkohësisht këngëtar. Me pamje tërheqëse, me mjeshtri të regjur në të kënduar dhe me talent të shkëlqyeshëm në fushën e krijimtarisë, Lin Xhynxhie fitoi adhurues të panumërt në shumë vende dhe rajone të ndryshme të botës.

Dëgjoni

Kënga që po dëgjoni titullohet "Jam unë ". Kjo është një këngë përfaqësuese e albumit të parë të Lin-it: "Udhëtar në Muzikë". Me ritëm të shpejtë dhe tekst të gjallë, kjo këngë tregon plotësisht kurajon dhe vetbesimin e të rinjve modernë për të gjetur dashurinë e vërtetë. "Kur të shtrihemi në livadhe nën qiellin me yje, do t'ju tregoj hapur ndjenjat e mia. Pavarësisht se çfarë thonë të tjerët, unë dëshiroj të shpall se ai që të dashuron jam unë."

Lin Xhynxhie lindi në Singapor dhe prindërit e tij merreshin me punë artistike. Nënës së tij i pëlqen t'i binte Er Hu-së, një vegël muzikore tradicionale kineze ndërsa babai i tij është i dhënë pas kitarës. Në kujtimet e Lin Xhynxhie-s së vogël, në shtëpinë e tij shpesh rrjedhin melodi të këndshme të interpretuara me këto instrumente muzikore. Duke u rritur në një familje me prirje të theksuara artdashëse, edhe Lin Xhynxhie filloi të interesohet për muzikën. Në moshën 4 vjeçare, ai filloi t'i bjerë pianos dhe më vonë kitarës. Kur ishte mbi dhjetë vjeç, Lin provoi të kompozojë disa këngë pop me melodi të thjeshta dhe fitoi shumë çmime në konkurse të këngës për të rinj. Talenti në krijimtari dhe në këngë i Lin Xhynxhie-s u zbulua nga kompania e disqeve "Ocean Butterflies Music" e Singaporit. Në vitin 1999, Lin u regjistrua me këtë kompani dhe fill pas kësaj, filloi karierën e tij në qarqet muzikore.

Në vitin 2003, Lin Xhynxhie publikoi albumin e parë të tij "Udhëtar në Muzikë". Të gjitha këngët e këtij albumit janë kompozuar nga vetë Lin duke përfshirë edhe këngët me ritme të shpejta si të stilit R&B dhe disa këngë me ritme të ngadala, të cilat shprehin ndjenjat delikate midis të dashuruarve. Ndër to, "Krahë" është njëra që dallon.

Lini këndon në këtë këngë: "Fluturoj me krahët që më ke dhënë ti, nuk do të ketë më re të zeza në qiellin tim. Në ajër fshihet aroma jote, lotët e tu qëndrojnë në kujtimet e mia". Më zërin e pastër dhe me mjeshtrinë e regjur, në këtë këngë, Lin Xhynxhie shpalos plotësisht talentin e tij si këngëtar. Tani, ju ftojmë ta shijoni këngën "Krahë".

 Dëgjoni

Albumi i parë "Udhëtar në Muzikë" pati sukses të madh në shitje. Në rajonin Tajvanit të Kinës, u radhit për 10 javë në vendin e parë të listës së albumeve të shitura të këngëtarëve të rinj ndërsa në pjesën kontinentale të Kinës, numri i kopjeve të shitura të këtij albumi i kaloi të 1 milionët. Si një këngëtar me aftësi të i shkëlqyer në këtë album, në fund të vitit 2003, Lin Xhynxhie fitoi çmimin vjetor "Këngëtari më i mirë i ri " në Singapor, Malajzi dhe në vende të tjera.

(Çan Yean)