Korrespondentët e Agjencisë kineze të lajmeve Hsinhua njoftuan se qysh nga drejtori i parë i huaj Werna Grisi i ftuar nga qyteti Uhan në vitin l984 në Kinë pas reformës dhe hapjes së Kinës deri tani, shumë specialistë të huaj kanë ardhur nga vende të largta në Kinë duke marrë me vete teknologjinë, konceptet dhe përvojën e përparuar. Ditët e fundit, në një intervistë me korrespondentët e Agjencisë Hsinhua, zv-drejtori i Drejtorisë Shtetërore për punën e specialistëve të huaj në Kinë Li Bing tha se këta specialistë të huaj jo vetëm kanë luajtur një rol të rëndësishëm për ndërtimin ekonomik të Kinës, por edhe kanë nxitur bashkëpunimin ekonomiko-tregtar midis Kinës dhe vendeve të ndryshme. Kina është e vendosur të nxitë punën e tërheqjes së talentëve të huaj në Kinë.

Li Bing tha se në vitin l983, Teng Siaoping parashtroi mendimin për të ftuar specialistë të huaj të ndihmojnë ndërtimin e modernizimeve rë Kinës. Në vitin 1984, Grisi si specialist pensionist erdhi për inspektim në uzinën e vajit diezel të Wuhanit dhe pastaj u emërua si drejtor i kësaj uzine.

Ky veprim quhej si i "papërfytyrueshëm", nga mediat kineze dhe të huaja të atëhershme.

Faktet tregojnë se kjo praktikë është shumë e sukseseshme.

Li Bing tha se qysh nga ajo kohë, fusha të ndryshme të vendit filluan t'i kushtojnë një rëndësi të madhe punës për tërheqjen e talenteve të huaja dhe që atëhere kanë ardhur me radhë specialistë të huaj në Kinë për të ndihmuar Kinën në nxitjen e modernizimeve të Kinës.

Të dhënat statistikore të Drejtorisë Shtetërore të Statistikave të Kinës tregojnë se vitet e fundit, numri i specialistëve të huaj që kanë ardhur për të punuar në Kinë ka arritur në 240 mijë në vit. Qysh nga fillimi i reformës dhe i hapjes së Kinës ndaj botës së jashtme, Kina ka tërhequr gjithësej 2 milionë e 500 mijë specialistë përtej detit. Specialistët e huaj që kanë ardhur në të kaluarën për të punuar në Kinë përqëndroheshin kryesisht në fushat e bujqësisë, të industrisë prodhuese, të arsimit dhe të shtypit etj, kurse tani specialistët punojnë në fushat e bujqësisë, industrisë, të burimeve energjetike, të kulturës e arsimit, të shëndetësisë dhe të farmaceutikës, të shtypit dhe të botimeve, të drejtësisë, të mbrojtjes së mjedisit, të turizmit etj. Gjithnjë e më shumë specialistë të huaj marrin pjesë në objektet e bashkëpunimit tekniko-shkencor me aftësi konkurruese në arënën ndërkombëtare.

Li Bing tha se këta specialistë janë njëkohësisht edhe misionarë të kontakteve miqësore midis Kinës dhe vendeve të huaja. Ata me jetën e tyre në Kinë kanë bërë që gjithnjë e më shumë të huaj të njihen me Kinën. Ai tha se Kina është një vend në zhvillim, tërheqja e talenteve të huaja në Kinë është një politikë e rëndësishme. Tani Kina ka shumë nevojë për specialistë në fushat e bujqësisë, të arsimit etj. Edhe për zhvillimin e Kinës perendimore dhe për ringjalljen e bazave të vjetra të Kinës verilindore ka mjaft nevojë për ndihmën e e talenteve të huaja. (zhai)