Thellimi i vetëdijes së njerëzve për mbrojtjen e mjedisit është forcë e madhe dinamike e kësaj vale të fuqishme. Si të vendosen marrëdhëniet harmonike midis njeriut dhe natyrës dhe si të nxitet zhvillimi i vazhdueshëm i shoqërisë ekonomike të vendit tonë janë bërë tema të rëndësishme të diskutimeve shoqërore.

Pas 30 vjet përpjekjesh Kina ka arritur suksese të mëdha në mbrojtjen e mjedisit, por gjendja e përgjithshme e mjedisit nuk është optimiste. Janë dëmtuar shumë pyje natyrore, eruzioni është ende serioz dhe era me rërë ka kërcënuar mjedisin e disa krahinave të vendit.

Problemi i mjedisit që kishte dalë në procesin qindravjeçar të industrializimit të vendeve të zhvilluara, ka dalë gjatë 20 vjetëve të fundit në vendin tonë. Ky është një fakt objektiv dhe një sfidë serioze. Problemi kryesor i mjedisit në vendin tonë është ndotje serioze e mjedisit, ndotje serioze e disa lumenjve që kalojnë nëpër qytete, si dhe ndotje ujit të disa liqeneve. Në disa qytete ndotja e ajrit është serioze dhe një sipërfaqje e madhe e territorit të vendit tonë është dëmtuar nga shiu me acid., etj.

Ne duhet të nxjerrim mësime nga këto probleme dhe në rrethanat e njohjes së kufizuar të njerëzimit me ligjin natyror, duhet të trajtohen në mënyrë të matur marrëdhëniet midis njeriut dhe natyrës. P.sh, gjatë zhvillimit të krahinave perëndimore të vendit tonë, duhet të zgjidhet problemi i zhvillimit jo përpjesëtimor dhe i pasurimit të popullit në krahinat perëndimore. Mjedisi ekologjik i krahinave perëndimore është shumë delikat, prandaj duhet të veprojmë në mënyrë të matur për zhvillimin e këtyre krahinave. Duhet të veprojmë në mënyrë të matur, shkencore dhe demokratike. Domethënë, në radhë të parë e konsiderojmë mbrojtjen e mjedisit ekologjik si detyrë kryesore. Mbrojtja ekologjike e krahinave perëndimore është gjithashtu kusht themelor për zhvillimin e krahinave perëndimore.

Në filosofinë tradicionale të Kinës ka shumë shpjegime mbi marrëdhëniet midis njeriut dhe natyrës, në të cilat përfshihen shumë mendime të thjeshta të respektimit të natyrës dhe të mbrojtjes së mjedisit.

Nga vitet 50 të shekullit të kaluar në arenën ndërkombëtare është krijuar një rrymë e mbrojtjes së mjedisit dhe kritikohet pandërprerë modeli i zhvillimit me rritje të madhe dhe me shpenzim të lartë. Në Konferencën e mjedisit të njerëzimit të vitit 1972 u bëhet thirrje vendeve të botës të mbrojnë së bashku mjedisin natyror. Në Konferencën e OKB-së të Mjedisit dhe të Zhvillimit që u mbajt në vitin 1992, u parashtrua strategjia e zhvillimit të vazhdueshëm dhe në Samitin Botëror të vitit 2002 të Zhvillimit të Vazhdueshëm u përcaktuan tri shtylla kryesore të zhvillimit të vazhdueshëm, të rritjes ekonomike, të progresit shoqëror dhe të mbrojtjes së mjedisit.