Krahas thellimit të reformës së sistemit ekonomik, do të vijë zhvillimi i ri ekonomik dhe krahas shtimit të shpenzimit të energjisë dhe të burimeve natyroe do të shtohen edhe mbeturinat e ndotura. Kjo parashtron kërkesa më të larta për mbrojtjen e mjedisit natyror.

Zhvillimi i ekonomisë qarkulluese dhe ndryshimi i modelit të rritjes ekonomike janë dy rrugë kryesore për zgjidhjen e kësaj kontradikte.

E para, duhet të ngrihet efektiviteti i shfrytëzimit të burimeve dhe të krijohet sistemi social-ekonomik të tipit me kursim të burimeve. Kina zgjodhi " rrugën e industrializimit të tipit të ri, domethënë duhet të realizohet industrializimi me " efektivitet të mirë ekonomik, me shpenzim të ulët të burimeve, me teknologji të lartë, me pak ndothe të mjedisit dhe me shfrytëzimin e plotë të forcave njerëzore. Duhet të krijohet një sistem harmonik tekniko-shkencor me mjedisin.

E dyta, duhet të vlerësohet zhvillimi social-ekonomik me një sistem të ri të normave. Në disa krahina zhvillim do të thotë thjeshtë vetëm rritje ekonomike dhe rritje ekonomike konsiderohet thjeshtë si rritje industriale.

Disa funksionarë qeveritarë e konsiderojnë vetëm GDP, tërheqjen e investimeve të huaja dhe objekte të investimit, si norma kryesore për vlerësimin e sukseseve të punës së tyre. Në disa krahina pa marrë parasysh mjedisin ekologjik vendor dhe burimet natyrore janë ndërtuar shumë objekte industriale me ndotje dhe konsum të madh të energjisë.

Në sistemin e ri të normave duhet të pasqyrohet jo vetëm niveli i përgjithshëm i rritjes ekonomike, por edhe cilësia e rritjes ekonomike, dhe duhet të paraqiten edhe sakrifica të mjedisit, të ekologjisë dhe të burimeve natyrore gjatë rritjes ekonomike. GDPI i gjelbër është një normë e mirë ekonomike që përputhet me kërkesat e sipërpërmëndura. Tani Kina po intensifikon studimin e kësaj norme.

E treta, duhet të përsoset sistemi legjislativ dhe nëpërmjet direktivave të ndryshme politike të nxitet krijimi i sistemit të ekonomisë qarkulluese. Ekonomia qarkulluese do të thotë se forma e qarkullimit tradicional " burime ? produkte ? mbeturina" do të shndërrohet në formën e qarkullimit " burime ?produkte ? burime të rigjeneruara", për të ngritur plotësisht efektivitetin ekologjik të prodhimit dhe të riprodhimit, dhe me konsumin më të pakët të energjisë të arrihet prodhimtaria më e lartë ekonomike, të realizohet harmonia midis ekonomisë, mjedisit dhe efektivitetit shoqëror dhe të krijohet një model i ri i prodhimit dhe i konsumit.

Një model i ri i zhvillimit ekonomik dhe zhvillimi i ekonomisë qarkulluese kërkon transformimin e sistemit ekzistues ekonomik. Kryesorja është të përsoset sistemi legjislativ, të përmirësohen direktivat e ndryshme politike, të transformohet sistemi ekzistues makro-ekonomik dhe të krijohet gradualisht një sistem i gjelbër politik i prodhimit, financave, tatimeve dhe monetar.

Duhet të jenë të qarta edhe përgjegjësia shoqërore dhe detyrimet e prodhuesve dhe të konsumatorëve, të krijohet dhe të përsoset një sistem i pjesëmarrjes së popullit në mbrojtjen e mjedisit dhe në praktikën e ekonomisë qarkulluese. ( zhang )