dëgjoni

Kampionati i 48-të Botëror i Pingpongut, që u zhvillua në fillim të majit në Shangai të Kinës, ka tërhequr vëmendjen e pingpongdashësve të mbarë botës dhe i ka frymëzuar shumë kinezët. Në Kinë, pingpongu konsiderohet si "sport kombëtar", sepse numri i pingpongdashësve të Kinës i kalon të10 milionët dhe skuadra shtetërore e pingpongut e Kinës ka ruajtur vendin e përparuar në botë gjatë mbi 30 vjetëve. Për këtë, pingpongistët e vendeve të tjera dhe dëgjuesit tanë dëshirojnë të dinë se ku ndodhet kyçi i suksesit të pingpongistëve kinezë, që janë shpallur herë pas here kampionë botëror, si dhe cilat janë sekretet e lulëzimit fatgjatë të pingpongut në Kinë?

Në fakt, edhe ne kinezët po studiojmë. Në simpoziumin për kampionet e pingpongut të Kinës, të zhvilluar gjatë Kompionatit të 48-të Botëror të Pingpongut, specialistët kinezë janë të mendimit se sekreti qëndron në sistemin e stërvitjes dhe të seleksionimit në formë piramide, në sistemin e turneut shumë profesional, në bazën e fortë të pingpongut në masat popullore, në kërkimet e zhvilluara shkencore dhe në administrimin e përparuar. Drejtori i skuadrës shtetërore të pingpongut të Kinës, z. Huang Biao tha: "Tani në Kinë mbi 30 mijë sportistë të rinj që ndjeku stërvitjet e rregullta në pingpong, afro 2 mijë pingpongistë, profesionistë e amatorë, janë regjistruar në Federatën e Pingpongut të Kinës dhe afro 100 pingpongistë të nivelit më të lartë janë përfshirë në dy ekipet shtetërore. Ky sistem kolosal në formë piramide për përgatitjen e pingpongistëve siguron që pingpongu i Kinës të gjendet në vendin e parë të botës, ashtu si basketbolli në SHBA."

Për të seleksionuar pasardhës me potencial nga pingpongistët e rinj, Kina krijon turnun e pingpongut të niveleve të ndryshme, ku thyhet kufiri midis lojtarëve profesionistë e amatorë. Nëse një pingpongist luan mirë, ai do të ketë mundësi të shkallëzohet në nivelin më të lartë të turneut. Në anën tjetër, në sajë të yjeve të pingpongistëve, klubet dhe garat profesionale tërheqin sponsorizues, të cilët futin kapitale shoqërore në garat profesionale, duke krijuar mjedisin e mirë të garave dhe kushte optimale të stërvitjes. Me funksionimin disa vjeçar, Turneu i Pingpongut i Kinës është bërë turneu me nivelin më të lartë në botë. Edhe të ardhurat e pingpongistëve janë të konsiderueshme. Të ardhurat më të larta vjetore të një pingpongisti në Turneun Suprem janë rreth 85 mijë dollarë amerikanë.

Pas hyrjes së pasardhësve të rinj me potencial në skuadrën shtetërore kineze, stërvitjet shkencore dhe të vështira janë faktori kryesor, që i garanton këta fidanë të arrijnë sukses.

Krahas stërvitjes së rreptë, skuadra shtetërore kineze disponon edhe shumë kuadro kërkimore, të cilët ndjekin gjithëmonë prirjet e fundit të qarqeve botërore të pingpongut. Ata studiojnë mënyrat e luajtjes së pingpongistëve të huaj, analizojnë ndryshimet e rregullave dhe të pajisjeve të pingpongut, në mënyrë që të sigurohet mosmbetja prapa e pingpongistëve kinezë. Z. Zhang Xiaopeng, bashkëpunëtor veteran i skuadrës shtetërore kineze të pingpongut, tha: "Gjatë 100 vjetëve të kaluar, qarqet botërore të pingpongut kanë patur 46 rezultate të dukshme në teknikë dhe në pajisje. Ndër to, 27 rezultate vijnë nga Kina."

Pavarësisht nga sukseset e panumërta që ka arritur, skuadra shtetërore kineze e pingpongut është e ndërgjegjshme për të metat e veta. Që nga Kampionati Botëror i Pingpongut 2003 në Paris e deri në Lojërat Olimpike të Athinës, u shpallën kampion për meshkull si individ pingpongistët e huaj. Këto humbje e skuadrës kineze tregojnë se përballë ngritjes shumë të shpejtë të nivelit të pingpongistëve të vende të tjera, qarqet kineze të pingpongut duhet të bëjnë më shumë përpjekje, në mënyrë që të vazhdojë lulëzim afatgjatë i pingpongut në Kinë. (Wang Lei)