Lojërat Paralimpike filloi gjatë luftës së parë botërore. Ushtarë të Evropës me të meta fizike organizatuan vetë një sërë aktivitetesh për mjekim dhe kjo është faza fillestare gjatë zhvillimit të Lojërave Paralimpike. Në vitin 1948, "Stoke Mandeville", një qendër kombëtare e Anglisë për mjekimin e dëmtimeve në palcën kurrizore, organizoi për herë të parë një spartakiadë për njerëzit me të meta fizike dhe vetëm 16 ushtarë me të meta fizike morën pjesë në të. Kjo spartakiadë organizohej çdo vit dhe përhapej gradualisht në vende të tjera evropiane. Në vitin 1952, ajo u shndërrua në një aktivitet ndërkombëtar sportiv. Dhe në vitin 1960, kur u organizuan spartakiada botërore paralimpike në Itali, më shumë se 400 lojtarë nga 23 vende të ndrshme të botës u mblodhën në Romë për të marrë pjesë në të. Në vitin 1976, organizata e njerëzve me të meta fizike vendosi të kombinojë spartakiadën "Stoke Mandeville" me lojërat botërore të njerëzve me të meta fizike dhe organizoi në Toranto të Kanadasë Lojërat e para Paralimpike, në të cilat morën pjesë mbi 1000 paralimpistë të 40 vendeve të botës.

Në maj të vitit 1983, Komiteti Ndërkombëtar Olimpik vendosi të organizojë për herën e parë Lojërat Paralimpike nga viti 1984, kur u organizuan Lojërat verore Olimpike në Los Anxhelos të Amerikës. Qysh nga viti 1988, Lojërat verore Paralimpike dhe Lojërat dimërore Paralimpike u pranuan si Lojërat e përhershme të Komitetit Ndërkombëtar Olimpik. Sipas rregullave të komitetit, qyteti që kërkon organizimin e Lojërave Olimpike duhet të kërkojë edhe organizimin e Lojërave Paralimpike. Dhe Lojërave Paralimpike duhet të organizohen brenda një muaji pas organizimit të Lojërave Olimpike në atë qytet që organizon Lojërat Olimpike.

Në vitin 2000 në Sidnej, Lojërat Olimpike dhe Paralimpike zgjatën 60 ditë, duke çuar përpara sportet paralimpike në një kulm të ri. Lojtarët e vendeve të ndryshme të botës janë klasifikuar në 6 lloj: lojtarë me amputim, me paralizë cerebrale, me vështirësi mendore, me dëmtime pamore, në karrocë invalidi dhe ata me të meta të tjera fizike. Në Lojërat Paralimpike janë përcaktuar 14 sporte të njeta me ata të Lojërave Olimpike dhe 4 të ndryshme, të cilat janë boccia, golboll, peshëngritja dhe regbia në karrocë invalidi. Përveç çiklizmit, kalorësisë, varkave me vela dhe qitjes, të gjitha sportet e tjera u organizuan në parkun olimpk të Sidnejt.

Për shkak që shumë sporte paralimpike janë të njeta me ata olimpike, gjatë lojërave, personat e kontrollit dhe funksionarët përkatës përgjigjen ndërkohë për kontrollin e Lojërave Paralimpike.

Në vitin 2004 në Athinë, 3969 lojtarët nga 136 vendet e rajonet të botës morën pjesë në Lojërat Paralimpike të Athinës. Pas përpjekjeve të përbashkëta të personave të vendeve të ndryshme, Lojërat Paralimpike tani janë pranuar nga tërë bota dhe janë konsideruar si një skenë ndërkombëtare për njerëzit me të meta fizike për t'i treguar botës shpirtin dhe fuqinë e tyre të jashtzakonshme. (Jiang Lei)