dëgjoni

Qysh nga zbatimi në vitin 2000, i strategjisë së qeverisë kineze për zhvillimin e krahinave perëndimore, ekonomia e krahinave të Kinës perëndimore ka patur zhvillim të shpejtë. Provinca Shansi është një nga provincat e zbatimit të strategjisë për zhvillimin e Kinës perëndimore. Vitet e fundit, kjo provincë ka shfrytëzuar plotësisht epërsitë vendëse, duke arritur rezultate aktive në nxitjen e zhvillimit ekonomik.

Provinca Shansi është një provincë e madhe bujqësore e Kinës dhe ka toka të punueshme prej mbi 4 milionë e 800 mijë hektarësh. Kjo shifër zë 4% të sipërfaqjes së tokave të punueshme të Kinës.

Për të nxitur zhvillimin e bujqësisë, sipas kushteve natyrore të zonave të ndryshme, Shansi ka zhvilluar me forca të mëdha mbjelljen e mollëve, të perimeve, të luleve dhe degë të tjera karakteristike. Përveç këtyre, në vitin 1998, qeveria kineze ka krijuar në Yangling, që ndodhet në pjesën qendrore të të provincës Shansi, një zonë shembullore të industrisë me teknologji të lartë dhe të re në bujqësore. Deri tani, kjo është e vetmja zonë shembullore bujqësore e nivelit shtetëror në Kinë, që nxit zhvillimin e bujqësisë së modernizuar të kësaj province.

Nëpërmjet ndërtimit mbi 7 vjeçar, sot, zona Yangling është bërë një zonë e industrisë bujqësore me vëllimin e prodhimit vjetor prej 1 miliardë e 100 milionë juanësh nga një qytezë e vogël e prapambetur, që ka krijuar strukturën industriale me hibridizimin e farave më të mira bujqësore dhe të racave blegtorale dhe me prodhimin e produkteve të gjelbra bujqësore si drejtim kryesor. Nënkryetarja e Komitetit të Administrimit të kësaj zone, zj. Chen Jun i tha gazetarit se shembulli ynë tekniko-shkencor është, që ndërmarrjet i kanë shpënë pesticidet, plehrat kimike dhe farat e mira në familjen fshatare, për shtimin e prodhimit të kulturave bujqësore dhe të të ardhurave të fshatarëve.

Sipas njofimeve, qysh nga krijimi i zonës shembullore Yangling, ajo ka popullarizuar mbi 600 objekte të agroteknikës praktike dhe ka përgatitur mbi 3 milionë fshatarë. Nën ndikimin e tyre efektiviteti ekonomik i kaloi të 10 miliardë juanët. Sipas të dhënave statistikore, në vitin 2004, vëllimi i prodhimit bujqësor ka zënë mbi 10% të vëllimit të përgjithshëm ekonomik të gjithë provincës.

Në krahinat perëndimore të Kinës ka burime të pasura. Provinca Shansi është një nga provincat me burimet më të pasura minerale. Sidomos sasia e rezervës së qymyrgurit, të gazit natyror dhe të naftës bruto radhitet këtu në radhët e para të Kinës. Vitet e fundit, industria energjetike është një nga industritë e zhvillimit kryesor të provincës Shansi. Duke iu përgjigjur pyetjeve të gazetarëve, kryetari i komitetit të zhvillimit ekonomik dhe të reformës të kësaj province, z. Li Xiaodong tha se tani, industria energjetike e provincës Shansi ka krijuar një përmasë të madhe. Në të ardhmen, kjo provincë do të investojë 200 miliardë juanë në zhvillimin e industrisë kimike të energjetikës.

Burimet energjetike të provincës Shansi janë shumë të pasura. Sidomos sasia e rezervës së qymyrgurit është shumë e madhe. Ne duhet të shtojmë të ardhurat e banorëve të thjeshtë vendas nga shfrytëzimi i këtyre burimeve.

Ky funksionar tha, gjithashtu, se duke ngritur efektivitetin e shfrytëzimit të burimeve, provinca Shansi duhet t'i kushtojë vëmendje mbrojtjes së burimeve dhe të mjedisit ekologjik.

Në krahasim me zonat e tjera të Kinës perëndimore, në infrastrukturë, arsim, shkenca dhe teknikë etj kjo provincë ka epërsi të dukshme. Në këtë provincë ka shumë shkolla të larta dhe institucione studimore të shkencave, të cilat kanë krijuar kushte shumë të mira për zhvillimin e industrisë me teknologji të lartë dhe të re të kësaj province. Vitet e fundit, Shansi ka krijuar dhjetra zona të shfrytëzimit të industrisë me teknologji të lartë dhe të re dhe parqe tekniko-shkencore. Tani, vëllimi i prodhimit vjetor të këtyre zonave zë 10% të vëllimit të përgjithshëm të ekonomisë së gjithë provincës. Në këto anë, zona e shfrytëzimit të industrisë me teknologji të lartë dhe të re Sian që u konsiderua nga Organizata e zhvillimit të industrisë të OKB-së, "një nga qytetet dhe zonat me vitalitetin më të madh të Kinës", tërheq vëmendje më të madhe të njerëzve. (Sihai)