Pekini do të organizojë Lojërat Olimpike në vitin 2008. Si vend organizator i Lojërave Olimpike, Kina u kushton rëndësi të madhe punëve të anti-dopingut. Kina do t'ia arrijë me përpjekje objektivit që në Lojërat Olimpike të Pekinit të mos zbulohet asnjë sportist kinez që përdor stimulant.

Në konferencën e dytë aziatike të anti-dopingut të zhvilluar kohët e fundit në Pekin, zv-sekretari i përgjithshëm i Komitetit Olimpik të Kinës dhe shefi i zyrës së anti-dopingut të këtij komiteti Shi Kangcheng tha se në 5 vjetët e kaluar, punët e anti-dopingut të Kinës patën progres të madh, për shembull në Lojërat Olimpike të Sidnejit dhe të Athinës, nuk u zbulua asnjë sportist kinez që përdor stimulant; cilësia e inspektimit të dopingut e Kinës është ngritur pandërprerë; "Rregullorja e anti-dopingut e Kinës" e publikuar në janar të vitit 2004 ka ndaluar efektivisht përhapjen e stimulantëve. Krahas këtyre, në gara të tjera të rëndësishme ndërkombëtare, nuk ka pasur asnjë sportist kinez që të përdorë stimulant.

Në vitin 1990, Kina filloi zyrtarisht në mbarë vendin inspektimin e dopingut. Në krahasim me nivelin mesatar ndërkombëtar, përqindja e zbulimit të sportistëve që përdorin stimulant në Kinë është shumë e ulët. Shi Kangcheng tha se përqindja e ulët e zbulimit të tyre është krijuar në bazë të sistemit të rreptë të inspektimit të dopingut. Çdo vit ndër mbi 5000 herë inspektime të dopingut, më se 60% e tyre zhvillohen pa paralajmërim.

Tani teknologjia kineze e inspektimit të dopingut ka arritur në nivelin e përparuar ndërkombëtar. Pas pranimit nga Komiteti Olimpik Ndërkombëtar në vitin 1989, Qendra e inspektimit të dopingut e Kinës ka kaluar për 15 vjet me radhë provime të rrepta vjetore të Komitetit Olimpik Ndërkombëtar. Grupi i inspektimit të dopingut i Komiteit Olimpik Ndërkombëtar përbëhet nga 3 specialistë, ndër to ka një specialist kinez Wu Moutian. Gjatë Lojërave Olimpike të Athinës të zhvilluara vitin e kaluar, me ftesën e Komitetit Olimpik Ndërkombëtar, 6 specialistë kinezë morën pjesë në punët e inspektimit të dopingut të Lojërave Olimpike. Të gjitha këto pasqyrojnë nivelin e inspektimit të dopingut të Kinës. Tani Qendra e inspektimit të dopingut e Kinës zotëron teknologji dhe mënyra të reja ndërkombëtare.

Në janar të vitit 2004, qeveria kineze publikoi "Rregulloren e anti-dopingut", kështu Kina u bë vendi i tretë pas Francës dhe Italisë që harton posaçërisht ligj për problemin e dopingut. Sekretari i përgjithshëm i Organit botëror të anti-dopingut David Hovman vlerësoi lart rezultatet e Kinës në fushën e anti-dopingut. Ai tha: "Ne kemi vënë re se sukseset e Kinës në fushën e anti-dopingut po zgjerohen pandërprerë, më e rëndësishmja është që qeveria kineze ka bërë premtime aktive në problemin e luftës së anti-dopingut."

Megjithëse punët e anti-dopingut të Kinës kanë patur rezultate të mëdha, qeveria kineze nuk është e kënaqur për sukseset e tanishme, tani Kina po zhvillon bashkëpunim të ngushtë me Organin botëror të anti-dopingut për të thelluar më tej luftën e anti-dopingut. (Fani)