dëgjoni

Ju flet Radio e Jashtme e Kinës, të dashur dëgjues, zonja Guo Shuchen është këngëtarja dhe edukatorja e njohur e muzikës vokale të Kinës. Gjatë më se gjysëm shekulli, ajo ka punuar pa u lodhur për zhvillimin e muzikës vokale dhe ka arritur rezultate të shkëlqyera në këtë fushë. Në rubrikën e sotme " Kultura kineze ", do t'ju njohim me këtë person të njohur në qarqet e muzikës kineze.

Fragmenti që po dëgjoni është një fragment nga opera e Çajkovskit "Eugjen Onieginë" interpretuar nga Guo Shuzhen në gjuhën ruse. Qysh nga vitet 50-të deri në vitet 90-të të shekullit të kaluar, Guo Shuchen është aktivizuar në skenat e muzikës kineze dhe ndërkombëtare dhe ajo mund të interpretojë në gjuhë të ndryshme këngë të vendeve të ndryshme. Megjithëse tani është në moshën madhore 78 vjeçe, zonja Guo Shuchen punon akoma në Konservatorin Qendror të Kinës dhe jep mësime për 9 aspirantë dhe 6 studentë.

Duke folur për rrugën e saj artistike, Guo Shuchen tha se ajo ka lindur në një familje të thjeshtë tregtare të qytetit Tiencin të Kinës veriore. Prindërit e saj nuk kishin nivel të lartë kulturor. Hyrja në rrugën e artit ka ardhur si rezultat i interesimit të madh të saj për muzikën dhe jo nga ndikimi familjar.

Ajo tha:"në qytetin e Tiancinit kishte shumë teatra, mua më të pëlqej opera dhe kënga qysh në moshë shumë të vogël. Në fillim dëgjoja nga të tjerët, pastaj mësova të interpretoja këngë dhe fragmente të operës së Pekinit. "

Pasi mbaron shkollën e mesme, Guo Shuchen u pranua në shkollën profesioniste artistike të Pekinit. Pas shpalljes RP të Kinës, muzika vokale ka marrë një zhvillim të madh dhe në vitin l953, Guo Shuchen si studentja e parë e muzikës shkoi për studime në fakultetin vokal të Konservatorit shtetëror Çajkovski në Moskë. Gjatë jetës studentore 5 vjeçare në Moskë, Guo Shuchen u edukua në nivelin e parë artistik botëror. Ajo tha :"Studimet në Bashkimin Sovjetik ishin shumë të rëndësishme për jetën time artistike. "

Në vitin l958, Guo Shuchen u diplomua me rezultate të shkëlqyeshme dhe ka fituar cmim në konkursin e muzikës vokale klasike të Festivalit të 5-të botëror të të rinjve të vitit l955, pastaj fitoi edhe cmimin e parë dhe medaljen e artë në konkursin e këngëve klasike të Festivalit të 6-të botëror të të rinjve në vitin l957 duke nderuar atdheun.

Pas studimeve në Moskë në vitin l959, Guo Shuchen u kthye në atdhe dhe filloi të jepte mësim në Konservatorin Qendror të Kinës. Ajo ka dhënë shfaqje dhe ka bërë vizita në më se l0 vende të Evropës, Azisë, Amerikës Veriore dhe Amerikës Jugore. Gjatë praktikës dhjetra vjecare, interpretimi i saj vokal ka formuar një karkteristikë të veçantë artistike me zë të embël dhe me horizont të gjerë.

Përveç shfaqjeve në skenë, gjatë më se 30 vjetëve, Guo Shuchen ka përgatitur një numër talentësh të muzikës vokale. Shumë këngëtarë të njohur kinezë kanë qene studentë të saj. Rezultatet e saj në fushën e edukimit të muzikës vokale janë vlerësuar lart nga shteti dhe ajo është dekoruar shumë herë nga Ministria e Kulturës e Kinës dhe sektorët përkatës.

Edhe tani ajo mendon shumë për zhvillimin e muzikës vokale kineze. Tani ajo po përgatitet për konkursin e tretë ndërkombëtar të muzikës vokale.

Ajo tha:" Tani Kina është e njohur si një vend i madh i muzikës vokale në botë. Sivjet do të organizojmë në Kinë konkursin e tretë ndërkombëtar të muzikës vokale. Tani po bëj përgatitje për këtë. Ky konkurs do të bëjë të hapur edhe artin e muzikës vokale të Kinës, sepse të gjithë pjesëmarrësit e këtij konkursi duhet të intertretojë një këngë kineze. Nëpërmjet interpretimit të këngës kineze, këngëtarët e huaj që do të marrin pjesë në këtë konkurs, do të njihen me mirë me kulturën, historinë dhe muzikën kineze." (zhai)