Gjatë mbi 20 vjetëve pas fillimit të reformës dhe hapjes ndaj botës së jashtme, Kina ka tërhequr investime të shumta të huaja. Deri në fund të vitit të kaluar, Kina ka tërhequr gjithsej 560 miliardë dollarë investime të huaja. Në krahasim me investimet e huaja në Kinë, investimet e Kinës në vendet e tjera janë të pakta, çdo vit vëllimi i investimeve kineze në vende të tjera ka vetëm mbi 1 miliardë dollarë.

Në referatin e mbajtur më 28 prill në forum, sekretari i përgjithshëm i Konferencës së Tregtisë dhe të Zhvillimit të OKB-së Karlos Fortin tha se ngritja e potencialit të ekonomisë kineze do të përmirësojë gjendjen e pabarazisë midis investimeve të huaja në Kinë dhe investimeve kineze në vende të tjera. Ai tha:

"Për shkak të rritjes së shpejtë të ekonomisë kineze dhe të politikës qeveritare për inkurajimin e investimeve kineze në vende të tjera, pak më vonë, Kina do të jetë një vend i rëndësishëm në botë i investimeve në vende të tjera."

Siç bëhet e ditur, megjithëse vëllimi i investimeve kineze në vende të tjera nuk është i madh, ai po zhvillohet shumë shpejt. Deri tani ndërmarrjet kineze kanë bërë investime në mbi 160 vende e rajone.

Drejtori i Drejtorisë Shtetërore të Statistikave të Kinës Li Deshui tha se ndërmarrjet kineze duhet të mësojnë përvojën e përparuar të administrimit për të ngritur aftësinë e tyre të konkurrencës së tregut. Ai tha: "Krahas marrjes së përvojës së përparuar të administrimit dhe të teknologjisë së huaj, ndërmarrjet kineze duhet të krijojnë gradualisht rrjetin e vet të shitjes dhe të shërbimeve për të hyrë më mirë në tregun ndërkombëtar."

Zv-ministri i tregtisë i Kinës An Min tha në forum se ndërmarrjet kineze duhet të shtojnë investimet në vende të tjera për t'u përputhur me kërkesat e globalizimit ekonomik. Njëkohësisht zgjerimi i përmasave të investimeve kineze në vende të tjera është në favor të ngritjes së pozitës së vendeve në zhvillim në strukturën globale të investimeve. Ai propozoi se qeveria kineze do të drejtojë ndërmarrjet të bëjnë investime në vende të tjera. (fani)