Yao Ming i solli SHBA-së jo vetëm mjeshtrinë e tij të basketbollit, por edhe sjelljen modeste, që është veçori e kulturës kineze. Në krahasim me ata yjet mendjemëdhenj të sportit, mirësjellja e Yaos duket si një fllad i freskët në verë. Në sfondin e zhvillimit të shpejtë dhe të vazhdueshëm të ekonomisë kineze, "vala goditëse e Yao Ming-ut" në SHBA konsiderohet nga dijetarët amerikanë si simbol i kulturës së Kinës në botë. Ky simbol, së bashku me institutin e Konfucit në Evropë, festimin nga të huajt të Festës së Pranverës të Kinës, si dhe fenomene të tjera kulturore, përbëjnë pjesë të pamungueshme të zhvillimit paqesor të Kinës.

Zhvillimi paqesor i Kinës mishëron ngritjen e një mode të zhvillimit ekonomik dhe gjithashtu rilindjen dhe rindërtimin e kulturës. Përsa i përket ndikimit në qytetërimin botor, kjo e fundit do të japë më shumë kontribut. Vitet e fundit, me zhvillimin e globalizimit ekonomik, disa dijetarë perëndimorë kanë filluar të diskutojnë marrëdhëniet midis qytetërimeve të ndryshme. Në shumë argumente të tyre mund të ndjehet ngjyresë e fortë e teorisë për epërsinë e qytetërimit perëndimor. Bile, shumë dijetarë perëndimorë janë të mendimit se pa sistemin e vlerave të perëndimit, asnjë shoqëri mund të realizojë me të vërtetë modernizimin. Jo pak njerëz edhe në Azi e kanë vënë në dyshim traditën e vet kulturore si burim të modernizimit. Ndoshta e gjtihë bota e ka shqetësim jo vetëm sesi Kina do të arrijë në nivelin aktual të jetës së vendeve të zhvilluara, por edhe se me çfarë mënyre Kina do të shkojë atje, ku te çfarë koncepti vlere do të mbështet ajo. Pa dyshim, kultura, si toka ku rritet koncepti i vlerave, do të luajë rol të rëndësishëm madhor gjatë këtij procesi të zhvillimit të Kinës. Kështu, depërtimi i kulturës së Kinës në botë do të ushtrojë ndikim të thellë në këtë drejtim.

Modernizimi i Kinës është shoqëruar me globalizimin ekonomik, gjë që ka mundësuar që gjatë procesit të depërtimit të kulturës së Kinës në botë, nga njëra anë, kultura kineze të ndikojë mbi botën dhe, nga ana tjetër, ajo do ta ndryshojë vetën pandërprerë. Depërtimi i kulturës së Kinës në botë do të sjellë pa tjetër përplasje midis kulturave të ndryshme. Studimet e dijetarëve amerikanë tregojnë se midis kulturave të ndryshme, distanca midis qytetarëve amerikanë dhe fshatarëve amerikanë është më e vogël, kurse distanca midis perëndimorëve dhe lindorëve është më të madhe. Kur në botë përplasen dy kultura me distancë të madhe nga njeri-tjetrit, marrëdhëniet midis popujve të botës ngushtohen më tej. Në fakt, vetëm me përplasje, kulturat e ndryshme do të shkëmbejnë dhe do të gërshetohen dhe do t`i japin botës sonë një shkëlqim më të madh.

Depërtimi i kulturës drejt botës është gjithashtu një proces i kërkimit të reformës dhe shtimit të gjallërisë moderne. Kultura kineze, e rrënjosur në historinë mijëra vjeçare, do të kapërcejë më në fund simbolet e vetë tradicionale, si fenerin e kuq, veglat muzikore frymore e me tela në jug të lumit Jance, Qipaon, etj. dhe do të krijojë një frymë kulturore moderne. (Wang Lei)