Kohët e fundit një delegacion i Konfederatës së Sindikatave të Shqipërisë, i kryesuar nga kryetari i saj zoti Kolë Nikollaj, bëri një vizitë në Kinë, me ç'rast ai e pranoi intervistën e korrespondentes së Radios së Jashtme të Kinës për gjuhën shqipe He Daming.

Në fillim ai i tregoi korrespondentes sonë se ka shumë vjet që ka studiuar për Kinën, të cilën kishte dëshirë të madhe ta vizitonte. Ai tha:

"Kur kam qenë fëmijë, unë personalisht kam lexuar shumë libra për Kinën, kam mësuar historinë e Kinës në shkollë. Realisht e kisha ëndërr për ta vizituar, për ta parë Kinën dhe për ta prekur këtë vend të madh, për ta parë nga afër realitetin e popullit kinez me sy dhe me dorë. Faktikisht m'u krijua mundësia duke qenë kryetari i Konfederatës së Sindikatave të Shqipërisë, Konfederatë e cila zhvilloi këto ditë një vizitë njëjavore në Republikën Popullore të Kinës."

Pastaj ai tha se ishte shumë i impresionuar nga kjo vizitë mbresëlënëse se i vinte keq që së shpejti do të përfundonte vizita dhe ai do të largohej nga Kina, pasi kishte parë me sytë e tij reformën e madhe që ka zbatuar Kina për 25 vjet dhe çudira që ajo ka bërë. Ai tha se jo vetëm nga vizita që kanë bërë në Kinë, por edhe nga Televizioni janë njohur me këtë realitet dhe se ishin befasuar nga realizimi i zhvillimeve mjat të mëdha të ekonomisë së Kinës në përgjithësi dhe veçanërisht në zonat bregdetare të saj.

Si kryetari i Konfederatës së Sindikatave të Shqipërisë, zoti Kolë Nikollaj tha se megjithëse po e vizitonte për herë të parë Kinën, është njohur me Federatën Pankineze të Bashkimeve profesionale të Kinës, kryeqytetin e Kinës, Pekinin, qytetin më të madh industrial të Kinës, Shangain dhe qytetin e rëndësishëm të saj, Nankinin. Nga kjo vizitë me një plan shumë të ngjeshur, ai u befasua nga sukseset e reformës në Kinë. Ai tha:

"Nga kjo vizitë në tre kryeqendra të Kinës, unë u befasova nga zhvillimi ekonomik në këto tre kryeqendra, por edhe në përgjithësi nga GDP-ja që po rritet në dy shifra, gjë që është një nga rastet unikale në gjithë botën. Unë u njoha me historinë e Shangait, që ka qenë një fshat peshkatar dhe është zhvilluar sot në një perlë, një nga kryeqendrat e botës."

Ai vazhdoi se ka vizituar edhe qytetet e mëdha të botës, si Uashingtonin dhe Nju Jorkun, por qyteti i Shangait, është i veçantë se ka trashëguar edhe traditat e Kinës dhe ka gërshetuar kulturën lindore me kulturën perëndimore, kulturën kineze me kulturën e botës, ka ndërthurur gjithë kulturën dhe historinë e botës.

Ishte një zhvillim i paparë dhe mjaft i shpejtë i ekonomisë kineze. Kështu ka ndodhur në qytetin e Shangait, po kështu edhe në qytetin e Nankinit. Në këtë qytet, tha zoti Kolë Nikollaj, ne kemi vizituar një fabrikë petro-kimike, ku prodhohen produkte kimike. Kjo fabrikë ka ndihmuar edhe disa vepra shqiptare, si Fabriën e Azotikut në Fier, Fabrikën e Laçit dhe shumë vepra të tjera të mëdha, jo vetëm kaq ajo ka kualifiakur edhe 280 specialistë shqiptarë para viteve 80-të.

Pastaj zoti Nikollaj vazhdoi duke thënë se me sa duket, vitet e fundit, janë rigjallëruar marrëdhëniet ndërmjet Republikës Popullore të Kinës dhe Republikës së Shqipërisë. Ne e dimë që gjatë vitit që kaloi, personalitete të rëndësishme të jetës politike, të jetës kulturore e shoqërore të Shqipërisë vizituan Kinën. Kanë qenë kryetari i Parlamentit zoti Servet Pëllumbi, kryeministri zoti Fatos Nano, kryetari i Bashkisë së kryeqytetit Tiranës zoti Edi Rema, kanë qenë grupe deputetësh të ndryshëm, të Prokurorisë dhe me radhë. Kështu edhe delegacioni i Konfederatës së Sindikatave të Shqipërisë dha kontributin e tij për të forcuar më shumë këto marrëdhënie tradicionale miqësore midis Republikës së Shqipërisë dhe Republikës Popullore të Kinës.

Në fund të intervistës së tij, zoti Kolë Nikollaj iu përgjigj pyetjes së korrespondentes së Radios së Jashtme të Kinës për marrëveshjen që është arritur midis organizatave të Bashkimeve profesionale të dy vendeve. Ai tha:

"Kishim vizitën e parë, e cila parashikohet që të jetë një nga disa vizitat reciproke në të ardhmen, qoftë në Tiranë dhe qoftë në Pekin. Në përgjithësi ne ramë dakort me kolegët tanë kinezë që Federata Pankineze e Bashkimeve Profesionale të bashkëpunojë me ne në gjitha fushat për mbrojtjen e interesave legjitime sociale të punonjësve, kryesisht zëri i Konfederatës së Sindikatave të Shqipërisë dhe zëri i Federatës Pankineze të Bashkimeve Profesionale të jenë të njëzëshëm në arenën ndërkombëtare, ato duhet të solidarizohen dhe të mbështesin njëri tjetrin. Ne do t'u japim Sindikave profesionale rajonale të Shqipërisë mundësinë të bashkëpunojnë me Bashkimet Profesionale të krahinave të ndryshme të Kinës."

Zoti Kolë Nikollaj më në fund e vlerësoi lart edhe Radion e Jashtme të Kinës, sidomos korrespondenten Daming (Drita), që është e njohur nga shqiptarët, për kontributin e dhënë në forcimin e miqësisë midis Shqipërisë dhe Kinës. ( Daming )