Në vitin 1980, ZJ. U Hon shkoi në SHBA për studime, dhe fitoi gradën "doktor" në Universitetin Berkeli të Kalifornisë. Më pas, ajo punoi për mbi 10 vjet në Luginën e Silikonit të SHBA-së. Para 4 vjetëve, ajo erdhi në Suxhou dhe ka krijuar këtu një shoqëri softesh.

Në atë kohë, mjedisi i Suxhout ishte relativisht i mirë dhe përkrahjen e këtushme e administratës lokale ishte e madhe. Për këtë arsye, unë kam zgjodha këtë vend për krijimin e ndërmarrjes. Përveç këtyre, pozita gjeografike e Suxhout është shumë e mirë. Suxhou ndodhet afër Shangait dhe kostoja e krahut vendës të punës është më e ultë se në Shangai. Përsa i përket industrisë së softeve, Suxhou na duket një vend i qetë me kosto relativisht të ultë të punës. Mjedisi i kësaj zone për krijimin e ndërmarrjeve është shumë i përshtatshëm për shoqërinë e softeve.

Në këtë zonë janë përqendruar mbi 260 ndërmarrje të krijuara nga studentët e kthyer nga jashtë. Mbi 400 studentë po realizojnë këtu ëndrën e krijimit të ndërmarrjeve. Siç bëhet e ditur, ndërmarrje të tilla në Suxhou janë shtuar me 20% në vit. Sfera e biznesit të ndërmarrjeve ka prekur kryesisht teknologjitë e informacionit dhe të mbrojtjes së mjedisit, prodhimin e ilaçeve biologjike dhe fusha të tjera të teknologjisë së lartë.

Suxhou ndodhet në provincën Gjiansu të Kinës lindore. Mjedisi natyror i Suxhout është i bukur dhe klima e tij është e këndshme. Në Kinë ka një fjalë të urtë, ku thuhet; " Parajsa ekziston në qiell, por, Suxhou është parajsa e tokës. Në syrin e kinezëve, Suxhou është edhe një qytet me rezerva të panumërta kulturore. Nga këtu kanë dalë shumë shkrimtarë, dijetarë dhe shkencëtarë të njohur. Përveç këtyre, ai ndodhet në zonën e deltës së Lumit Jance që është zona më e zhvilluar e ekonomisë kineze. Ai është 90 kilometra larg Shangait-qytetit më të madh industrial dhe tregtar të Kinës. Këto kushte të favorshme kanë krijuar epërsi në investime dhe në krijimin e ndërmarrjeve të studentëve të kthyer nga jashtë.

Përkrahja e madhe e administratës vendore është bërë një arsye më tepër për krijimin e vendit të grumbullimit të ndërmarrjeve të studentëve të kthyer nga jashtë. Para disa vjetëve, për të përgatitur më shumë grupe ndërmarrjesh me të drejtën e autorit dhe me teknologji të larta dhe të reja, Suxhou ka krijuar zonën e posaçme të krijimit të ndërmarrjeve të studentëve, që do të thotë inkubatorin e njohur të ndërmarrjeve në botë dhe i ka dhënë asaj përkrahje financiare dhe të politikave të favorshme. Duke iu përgjigjur pyetjeve të gazetarëve, funksionarja e qytetit Suxhou ZJ. Cui Pin tha se përkrahja e administratës ka krijuar një mjedis të mirë për ta. Ajo tha gjithashtu se ne kemi një qendër të krijimit të ndërmarrjeve, e cila është kryesisht inkubatori i ndërmarrjeve ndërkombëtare dhe zona e krijimit të ndërmarrjeve të studentëve të kthyer nga jashtë. Qysh nga fillesat e kësaj qendre në vitin 1994, Komiteti Administrativ ka investuar 400 milionë juanë në të. Ndër më se 400 ndërmarrjet e kësaj qendre, shumë prej tyre janë bërë ndërmarrje të suksesshme. (Sihai)