dëgjoni Në filmin artistik kinez " bijët dhe bijat e kombit kinez", film i njohur dhe i mirëpritur në Kinë, përshkruhet akti heroik i 8 ushtareve kineze që ranë dëshmore në luftën kundër pushtuesve japonezë, akt që ka ndodhur në territorin e qytetit Moutanjiang të Kinës veri-lindore. Sot, ky qytet hero me tradita të lavdishme revolucionare, është bërë edhe si një qytet modern ekonomiko-tregtar dhe turistik.

Qyteti Moutanjiang, i krijuar në vitin 1937, ka qenë një qytet i tipit të konsumit. Ai nuk kishte ndërmarrje industriale. Vetëm pas krijimit të Republikës Popullore të Kinës , është hedhur gradualisht baza ekonomike në këtë qytet. Pas shumë jet përpjekjesh, është krijuar një sistem relativisht i përsosur industrial, si të industrisë së lehtë e tekstile, të kauçukut, kimike, elektronike, mekanike, ushqimore, të materialeve të ndërtimit dhe farmaceutike. Edhe bujqësia e tij ka marrë një zhvillim të madh. Moutanjiangu është bërë sot qendra politike, ekonomike dhe kulturore në jug-lindje të provincës Hejlungjian të Kinës. Moutanjiangu është një qytet hero, por edhe një qytet i bukur që konsiderohet si një qytet i Kinës jugore.

Moutanjiangu ka burime të pasura turistike, ka liqenj të bukur e male të gjelbruara. Në dimër malet e mbuluara me dëborë kanë bukuri shumë tërheqëse. Moutanjiangu organizon edhe aktivitete turistike për në Rusi dhe në Korenë e veriut.

Sipërfaqja e pyllëzimit të qytetit ka arritur 68%. Lumenjt dhe pyjet e tij janë natyrore. Liqeni Jinpo në Moutanjiang është liqeani i dytë i madh në zonën malore në botë. Sasia e ujit të liqenit ka arritur një miliard e 600 milionë metro kub, atje është vendi i rehatshëm për pushime verore. Moutanjiangu është një nga rajonet e Kinës, ku bie më shumë dëborë në vit.

Vitet e fundit, Moutanjiangu me figurën e tij si qytet ekologjik dhe qytet i dëborës, ka hapur aktivisht tregun turistik. Tani ai tërheq çdo vit mbi një milionë turistë të vendit dhe të huaj.

Moutanjiangu është gjithashtu një qytet kufitar me Rusinë dhe vija e tij kufitare është 211 kilometra e gjatë, Këtu ka 4 pika kufitare për në Rusi.

Sipas të dhënave, nga janari deri në nëntor të vitit 2004 vëllimi i import-eksportit të tregtisë së jashtme të Moutanjiangut ishte 3 miliardë e 210 milionë dollarë amerikanë, ndër to tregtia e jashtme me Rusinë arriti në 2 miliardë e 650 milionë dollarë amerikanë, duke përbërë 70,7% të tregtisë së jashtme të të gjithë provincës Helungjian me Rusinë.

Për të hapur më tej tregun rus dhe për të ngritur shkallën e tregtisë me Rusinë, Moutangjiangu do të ndërtohet si një qytet kryesor për tregtinë me Rusinë. Moutanjiangu do të bëjëpërpjekje për të shpejtuar zhvillimin e industrisë së përpunimit. Brenda qytetit do të ndërtohen edhe disa qendra tregtare të zarzavateve, të lëndëve të drurit dhe të materialeve të ndërtimit. Krahas këtyre, do të ndërtohen edhe në territorin e Rusisë 20 tregje dhe qendra të mëdha tregtare.

Sekretari i komitetit të partisë për qytetin e Moutanjiangut, Ma Shiaolin u tha gazetarëve se pas fillimit të reformës, Moutanjiangu e konsideron gjithmonë punën ekonomiko-tregtare dhe turistike, si punën kryesore të qytetit. Montanjiangu ka bazë të mirë, ka kushte të mira dhe perspektivë të gjerë të zhvillimit. Me gjithë sukseset e arritura, kemi besim ta ndërtojmë Moutanjiangun më të bukur, tha, sekretari Ma. ( zhang )