Ju flet Radio e Jashtme e Kinës, të dashur dëgjues, ju mirëpresim përsëri në programin e sotëm muzikor. Në programin e sotëm, ju ftojmë të dëgjoni disa këngë, të krijuara nga kompozitori i njohur i Kinës, Zheng Qiufeng.

 dëgjoni

Të dashur dëgjues, kënga që po dëgjoni tani titullohet "Pëllumb, fluturo lirisht", e cila u krijua nga Zheng Qiufeng. Melodia e kësaj kënge është shumë e rrjedhshme dhe e shpejtë. Kënga tregon një skenë të paqes dhe të lulëzimit të atdheut. Në këngë, thuhet se: Një pëllumb, me krahë të hapur fluturon lirisht në qiellin e kaltërtë. Pëllumbi fluturon mbi varg-male kreshnike dhe lumenj të mëdhenj. Kudo që fluturon, dëgjohet kënga punëtore dhe shihet deti i luleve."

Zheng Qiufeng lindi në vitin 1931 në qytetin Dan Dong në provincën e LIaoning në Kinën verilindore. Ai ka talente muzikore që nga fëmijria. Kur ishte një nxënës, ai u bë daulltar i një orkestre të shkollës fillore. Pas diplomimit nga shkolla e mesme, ai hyri në ansamblin artistik të Dan Dong-ut pas provimeve. Më vonë, ai filloi t'i binte violinës në një shkollë artistik. Për shkak se atij i pëlqente krijimi i muzikës, ai gjithashtu ka mbaruar të gjitha mësimet e fakultetit të kompozimit. Pas mbarimit të këtyre mësimeve, Zheng Qiufeng hyri në ansamblin e këngëve dhe valleve të zonës ushtarake të Guang Zhout, ku ai kapunuar si violinist i parë dhe filloi veprimitarinë krijuese.

Gjatë shumë vjetëve, Zheng Qiufeng ka krijuar shumë vepra muzikore, të cilat i këndojnë atdheut dhe jetës së lumtur. Shumë vepra të tij kanë fituar çmime provinciale si dhe kombëtare. Ndër veprat e tij, "Të dua, Kinë", "Pamir, sa e bukur është vendlindja ime" etj janë bërë vepra klasike. Me figurën muzikore të dukshme dhe të gjallë dhe me gjuhën muzikore të freskët, veprat e tij kanë krijuar karakteristika popullore dhe karakteristika krijuese të veta. Tani, ju ftojmë të dëgjoni këngën me titull "Të dua, Kinë". Kjo këngë është kompozuar veçanërisht për filmin "Bijt besnikë që jetojnë përtej detit". Nëpërmjet përshkrimit të gjallë të maleve dhe lumenjve të atdheut, kënga shpreh dashurinë e thellë të bijve dhe bijave kineze, që jetojnë përtej detit për atdhuen.

 dëgjoni

Të dashur dëgjues, në fund të programit të sotëm, ju ftojmë të dëgjoni një këngë me titull "Vjeshta, Pamir, sa e bukur është vendlindja ime", e cila është zgjedhur nga një grup këngësh me titull "Katër stina të atdheut". Pamiri ndodhet në jug-perëndim të Rajonit Autonom të ShinJiang-ujgurit të Kinës. Këtu banon kombësia TaXhik e Kinës. Me ngjyrë të larmishme muzikore, ky grup këngësh përshkron pamje të bukur të katër stinave në Kinë. Ndër to, Kënga "Vjeshta" me ritmet e gëzueshme entusiaste të valleve të kombësisë TaXhik, përshkron dashurinë e banorëve të TaXhikut për vendlindjen dhe shpresën e tyre për jetën e lumtur në të ardhmen.

 dëgjoni

Të dashur miq, këngët që sapo keni dëgjuar janë kompozuar nga kompozitori i njohur i Kinës, Zheng Qiufeng.

(Vei)