Kohët e fundit, fakti nëse duhet të ngrihet apo jo vlera e monedhës kineze, është bërë një nga fokuset e diskutimeve të komunitetit ndërkombëtar. Për këtë, korrespondenti i radios sonë intervistoi disa ekonomistë kinezë dhe të huaj. Më poshtë, në rubrikën "Kina në ndërtim" do të dëgjoni korrespondencën me titull: "Ruajtja e stabilitetit të kursit valutor të monedhës kineze është e dobishme për zhvillimin e ekonomisë kineze dhe të ekonomisë botërore".

Qysh nga viti 1994, Kina ka zbatuar gjithmonë politikën e kursit të njësuar valutor të lëkundjes së kontrulluar me ofertën dhe kërkesën e tregut si bazë, domethënë kursi valutor i monedhës kineze është vendosur në përgjithësi nga oferta dhe kërkesa e tregut. Banka qendrore shpalli kursin valutor sipas gjendjes së tregut valutor midis bankave dhe ka zbatuar lëkundjen e kontrolluar të kursit valutor të monedhës kineze. Qysh nga zbatimi i kësaj politike, kursi valutor i monedhës kineze ka ruajtur gjithmonë stabilitetin. Ekonomistët vunë në dukje se kjo politikë e kursit valutor të lëkundjes së kontrolluar është e përshtatshme me zhvillimin ekonomik të fazës së tanishme të Kinës, me aftësinë e përballuar të ndërmarrjeve dhe me nivelin e kontrollit e të administrimit monetar. Profesori i Institutit Studimor të Monedhës dhe të Aksioneve pranë Universitetit të popullit kinez, z. Zhao Xijun është i mendimit se përsa i përket Kinës, një vend të tillë në zhvillim, tregtia e jashtme dhe investimet e biznesmenëve të huaj janë shumë të rëndësishme. Gjatë disa vjetëve të fundit, Kina ka arritur suksese në këto ndryshime, duke u mbështetur tek stabiliteti i kursit valutor i monedhës kineze.

Tregtia e jashtme e Kinës ka patur zhvillim relativisht të mirë. Një faktor i rëndësishëm është politika e kursit valutor të qëndrueshëm. Për këtë ndërmarrjet e import-eksportit nuk kanë shqetësime. Në qoftë se kursi valutor i monedhës kineze ngrihet papritur, do të ketë një sërë pasojash, si pakësimi i prodhimit të ndërmarrjeve të eksportit dhe të tjerat. Tani, politika e kursit valutor të qëndrueshëm është garancia e besueshmërisë së investuesve. Investuesit e huaj mund të vijnë në Kinë për investime. Në qoftë se kursi valutor ndryshoi pandërprerë, do të shtohen kostoja dhe rreziqet e investimeve. Një nivel i kursit valutor stabël dhe një sistem i kursit valutor relativisht stabël kanë edhe marrëdhënie të ngushta me tërheqjen e investimeve të biznesmenëve të huaj.

Profesori Zhao tha, gjithashtu, se ruajtja e stabilitetit të kursit valutor të monedhës kineze jo vetën favorizon zhvillimin e ekonomisë kineze, por edhe ka rëndësi aktive për zhvillimin e ekonomisë botërore.

Nga gjendja e përgjithshme ndërkombëtare del se SHBA-ja është grupi i parë dhe i madh tregtar i botës. Ajo, Japonia, zona e euros dhe Kina janë 4 grupet e mëdha ekonomike në botë. Në qoftë se ekonomia globale kërkon një zhvillim relativisht të qëndrueshëm, duhet të ketë një mjedis relativisht të qëndrueshëm. Këtu edhe përfshihen marrëdhëniet e qëndrueshme të monedhës midis 4 grupeve ekonomike.

Kohët e fundit, disa vende kanë ushtruar pandërprerë presion ndaj Kinës dhe kërkojnë ngritjen e vlerës së monedhës kineze. Për këtë dukuri, nobelisti ekonomik, profesori Robert A. Mundell është i mendimit se ruajtja e stabilitetit të kursit valutor të monedhës kineze ka luajtur rolin e shtyllës për zhvillimin e qëndrueshëm të ekonomisë kineze dhe të ekonomisë botërore. Ai tha, gjithashtu, se vitet e fundit, disa vende të zhvilluara me një rritje të ngadalshme ekonomike, kanë parashtruar një teori për ngritjen e vlerës së monedhës kineze, në fakt, ato e kanë krijuar këtë mendim nga ana politike. Tani, vlera e monedhës kineze duhet të ruajë stabilitetin.

Ngritja e vlerës së monedhës kineze mund të pakësojë investimet e huaja dhe të shtyjë procesin e shkëmbimit të monedhës kineze. Kërkimi i ngritjes së vlerës së monedhës kineze është pa bazë ekonomike. Në fakt, disa njerëz e kanë krijuar këtë mendim nga ana politike. Kjo mund të ushtrojë krijimin e një gjendjeje jo të qëndrueshme në rajonin e Azisë jug-lindore dhe mund të ndikojë mbi zbatimin e premtimeve të Kinës gjatë pranimit të saj në Organizatën Botërore të Tregtisë.

Krijimi i sistemit të kursit valutor të monedhës kineze është edhe një nga fokuset e diskutimeve të komunitetit ndërkombëtar. Për këtë, ekonomistët kinezë dhe të huaj janë të një mendimi se tani, Kina nuk e ka krijuar sistemin e përsosur të kontrollit kundër rreziqeve të valutave. Aftësia e rezistencës së ndërmarrjeve dhe të institucioneve monetare për përballimin e lëkundjes së kursit valutor është e kufizuar. Prandaj politika e kursit të njësuar valutor, të lëkundjes së kontrolluar me ofertën dhe kërkesën e tregut si bazë, që zbatohet në Kinë, përputhet me gjendjen konkrete të Kinës. (Sihai)