Dëgjoni

Të dashur lexues, melodia që po dëgjoni titullohet "Këngë peshkatarësh në mbrëmje". Kjo melodi është adaptuar nga një melodi e lashtë tradicionale kineze. Në fillim të melodisë, me ritme të ngadalshme dhe të rrjedhshme, përshkruhet një tablo e bukur ku rrezet e diellit ndriçojnë sipërfaqjen e ujit. Në pjesën e mesme të kësaj melodie, tingujt e melodisë që ngrihen gradualisht, tregojnë gëzimin e peshkatarëve të kthyer me varkë të mbushur me peshq. Në fund të melodisë, tingujt ulen ngadalë për të përshkruar një panoramë kur ngryset, varkat largohen.

Kombësia Miao është një pakicë kombëtare në pjesën jugperëndimore të Kinës. Banorët e kombësisë Miao janë të aftë të këndojnë dhe të kërcejnë. Fei Gë e kënduar nga ata është më karakteristikja. Fei Gë-ja është një lloj kënge popullore e kombësisë Miao. Ajo ka tinguj të lartë e të hapur. Në melodinë që do të dëgjoni tani, interpretuar me violinë janë përdorur rimet e Fei Gë-s. Në këtë melodi me titull "Mëngjesi i Maleve të Kombësisë Miao", përshkruhet një panoramë e bukur e maleve të banuara nga kombësia Miao, duke pasqyruar jetën e lumtur dhe të gëzuar të banorëve të kombësisë Miao.

Dëgjoni

Në fillim të melodisë, nëpërmjet tonit të lartë të Fei Gë-së, dëgjuesve u duket sikur po gjenden në malet e kombësisë Miao. Fill pas saj, interpretuesi i bie violinës me mjeshtri të ndryshme, duke imituar cicërima zogjsh që këndojnë, kështu që në këtë atmosferë të qetë shtohen elemente të vitalitetit. Në pjesën e dytë, në mes të tingujve të gëzuar përshkruhet një mbrëmje ku banorët e kombësisë Miao vallëzojnë dhe këndojnë të gëzuar. Në fund të melodisë, dëgjohet përsëri i njëjti ton i lartë i Fei Gë-së si në fillim të kësaj melodie, duke përshkruar përsëri panoramën e bukur të fshatit malor të kombësisë Miao.

Sapo dëgjuat melodinë "Mëngjesi i Maleve të Kombësisë Miao" të krijuar nga kompozitori i njohur kinez Çen Gang interpretuar me violinë.

Të dashur lexues, në fund të programit të sotëm, ju ftojmë të shijoni melodinë "Një mbrëmje vere" të kompozuar nga kompozitori Jang Shanlë për violinë. Kjo melodi ka karakteristika të theksuara të melodive popullore. Kjo melodi përshkruan një mbrëmje vere të nxehtë ku njerëzit çlodhen nën pemë të larta dhe fëmijët luajnë aty pranë.

Dëgjoni

Të dashur lexues, ju njohëm një grup melodish tradicionale kineze të interpretuara me violinë. (Çan Yean)