Por njëkohësisht Azia po përballet me vështirësi dhe sfida, për shembull zgjerimi i distancës midis vendeve të pasura dhe vendeve të varfra, popullsia e shumtë, keqësimi i mjedisit, terrorizmi, krimet ndërshtetërore etj.

Udhëheqësit e vendeve dhe rajoneve të ndryshme aziatike që marrin pjesë në Forumin Aziatik Boao kanë shprehur përkatësisht mendime për të ndërtuar një Azi harmonike.

Kryeadministratori i Rajonit të Posaçëm Administrativ të Honkongut Zeng Yinquan është një ekonomist. Ai ngriti problemin e krijimit të monedhës së bashkuar në Azi sepse monedha e bashkuar ka rëndësi të madhe për lulëzimin dhe qëndrueshmërinë ekonomike aziatike.

Kina, Japonia dhe Republika e Koresë janë 3 subjekte kryesore ekonomike në Azi, marrëdhëniet 3-palëshe ndikojnë bashkëpunimin dhe shkëmbimet rajonale aziatike. Funksionarë qeveritarë dhe dijetarë të Kinës, Japonisë, Republikës së Koresë shprehën dëshirën për kapërcimin e vështirësive dhe për rritjen e vazhdueshme ekonomike.

ASEAN-i është organizata më e madhe e bashkëpunimit ekonomik në Azinë lindore. Këshilltari i kabinetit të Singapurit Lek Guanyu është i mendimit se marrëveshja e tregtisë së lirë midis ASEAN-it dhe Kinës do t'i sjellë ASEAN-it dhe Kinës dobi, zhvillimi paqesor i Kinës ka rëndësi të madhe për zhvillimin ekonomik të Azisë.

Afganistani është një forcë e rëndësishme për sigurimin dhe stabilitetin e Azisë dhe të botës. Zv-presidenti afgan Karim Khariri u bëri thirrje vendeve aziatike të parandalojnë konfliktet rajonale dhe terrorizmin. Afganistani dëshiron të luajë rolin e urës për të nxitur bashkëpunimin midis Azisë lindore dhe Azisë perëndimore. Njëkohësisht ai u bëri thirrje vendeve të ndryshme t'i japin Afganistanit ndihma për ta zgjidhur problemin e varfërisë.

Kryeministri i Australisë Hovard u shpreh se Australia ka marrë dobi të mëdha nga zhvillimi i ekonomisë aziatike, Australia do të ruajë bashkëpunimin me vendet e ndryshme aziatike.

Kryetari i komitetit kombëtar të Konferencës Konsultative Politike të popullit kinez Jia Qinglin propozoi që vendet e ndryshme aziatike të kapin rastet dhe të bëjnë së bashku përpjekje për të krijuar një Azi me bashkekzistencë harmonike, barazi ekonomike, besim reciprok dhe respektim të njeri-tjetrit.