Trajneri i përgjithshëm i këtij ekipi është gjermani Klauzen. Ai është lektor i FIFA-s dhe ka përvojë të pasur. Megjithëse Shoqata Kineze e Futbollit ka pajtuar për shumë herë me radhë trajnerë të huaj, Klauzeni është trajneri i parë i ekipit kombëtar të të rinjve.

Për të drejtuar ekipin kombëtar kinez në ndeshjet e Lojërave Olimpike të vitit 2008, Klauzeni do të përballet së pari me sfidën e Kampionatit botëror të futbollit të të rinjve që do të zhvillohet në Hollandë. Nëse Klauzeni mund të marrë rezultate të mirë, ai do të vazhdojë të drejtojë ekipin për Lojërat Olimpike të Pekinit. Prandaj, Klauzeni zgjodhi posaçërisht 30 futbollistë të aftë dhe me përvojë e shpreson se Kampionati i Hollandës do të vërtetojë aftësinë e tij.

Ditët e fundit, nënkryetari i Shoqatës Kineze të Futbollit Yang Yiming u shpreh se Shoqata e Futbollit do të përkrahë plotësisht punët e Klauzenit, për shembull do t'i japë Klauzenit të drejtën e plotë të zgjedhjes së futbollistëve. Edhe lista e ndihmës-trajnerëve do të caktohet nga Klauzeni.

Pas krijimit, ekipi kombëtar kinez i futbollit të meshkujve të rinj do të shkojë shpesh në vendet e fuqishme të futbollit për stërvitje. Të gjitha këto tregojnë se Shoqata Kineze e Futbollit po forcon shkëmbimet me botën e jashtme për të ngritur shpejt nivelin e futbollit të Kinës.

Klauzeni i ka kushtuar vëmendje futbollit kinez për një kohë të gjatë. Ai është i mendimit se drejtimi i ekipit kombëtar kinez për ndeshjet e Lojërave Olimpike është nderi më i lartë i një trajneri profesionist. Klauzeni u shpreh se ai ka mundësi ta mbyllë jetën e vet të trajnerit profesionist pas pjesëmarrjes në Lojërat Olimpike të Pekinit.

Vitin e kaluar, Klauzeni shikoi Kampionatin aziatik të futbollit për të rinj dhe disa gara të mëdha ndërkombëtare ku merrnin pjesë ekipet kineze të të rinjve nën 19 vjeç e nën 16 vjeç dhe zgjodhi disa futbollistë që të shkojnë në Gjermani për stërvitje dhe ndeshje periudhë stërvitore kjo që zgjati 3 muaj. Në mars të këtij viti, Klauzeni dhe ndihmësit e tij erdhën në Kinë dhe shikuan shumë ndeshje të futbollit kombëtar kinez. Si rezultat, Klauzeni ka fituar një njohje të plotë për futbollistët e rinj kinezë.

Klauzeni shprehu besim të plotë për futbollistë e rinj kinezë. Ai është i mendimit se tani në Kinë ka mbi 100 futbollistë të shquar të rinj, ata do të jenë bërthamë e futbollistëve për Lojërat Olimpike të Pekinit. 

Yang Yiming u shpreh se krahas krijimit të ekipit kombëtar kinez të futbollit të të rinjve, Shoqata Kineze e Futbollit grumbulloi edhe funksionarë të drejtorive lokale sportive dhe të klubeve të futbollit të zhvillojnë simpoziumin e Lojërave Olimpike të Pekinit për të dëgjuar mendimet e palëve të ndryshme për punët përgatitore të ekipit kinez të futbollit për Lojërat Olimpike të Pekinit. Ai u shpreh se të gjithë punonjësit e futbollit shpresojnë se futbolli kinez do të marrë rezultat të mirë në Lojërat Olimpike të Pekinit. (fani)