dëgjoni

Frigoriferi, si një nga aparatet e domosdoshme shtëpiake, ka hyrë në familjet e banorëve të thjeshtë të Kinës. Por përdorimi i gjerë i firgoriferëve ka shkaktuar konsumimin e madh energjetik dhe nxjerrjen e madhe të gazit karbonik, duke ndotur ajrin. Për të zgjidhur këtë problem, vitet e fundit Kina inkurajoi aktivisht përdorimin e frigoriferëve të tipit me kursim dhe pa ndotje. Tani frigoriferët e tipit me kursim dhe pa ndotje mirëpriten nga gjithnjë e më shumë konsumtatorë kinezë.

Në ditët e festës së pranverës të këtij viti, zonja Chai Canshia nga Pekini bleu një frigorifer të ri. Ajo i tha korrespondentit tonë

Ky frigorifer i ri jo vetëm është i bukur, por ëshrë i mirë edhe për kursim dhe pa ndotje. E gjithë familja jonë është e kënaqur me këtë frigorifer.

Frogoriferi që ka blera zonja Chai, është me volum 208 litrash, harxhon gjysëm kilovat-orë energji elektrike në ditë. Ajo tha se në krahasim me frigoriferin e saj të vjetër që ka blerë para 10 vjetëve, ky i ri kursen shumë energji elektrike. Prandaj, megjithëse çmimi i tij është pak i shtrenjtë, por me kursimin e energjisë, ai vlen.

Tani në tregun kinez shiten shumë frigoriferë, si ai i zonjës Chai, që janë produkte të tipit me kursim dhe pa ndotje. Këto produkte filluan të prodhohen në sasi të mëdha pas inkurajimit nga qeveria kineze të prodhimit të produkteve elektro-shtëpiake të tipit me kursim e pa ndotje. Zonja Sun nga Drejtoria Shtetërore e Mbrojtjes së Mjedisit të Kinës tha:

Qeveria kineze i kushton rëndësi të madhe mbrojtjes së mjedisit dhe ngritjes së efektivitetit energjetik të frigoriferëve. Përdorimi i gjeë i frigoriferëve të tipit me kursim do të sjellë jo vetëm efektivitet të madh ekonomik dhe të mjedisit, por edhe efektivitet të madh shoqëror. Forcimi i vetëdijës së konsumatorëve të thjeshtë për kursimin e energjisë elektrike dhe për mbrojtjen e mjedisit do të luajë një rol aktiv për kursimin e energjisë dhe për mbrojtjen e mjedisit në të gjithë shoqërinë.

Sipas njoftimeve, vitet e fundit në tregun kinez janë shitur 14 milionë frigoriferë në vit. Sipas llogaritjes së sasisë së frigoriferëve dhe të sasisë së konsumit të energjisë, brenda 10 vjetëve të shfrytëzimit të këtyre frigoriferëve do të harxhohen mbi 600 miliardë kilovat-orë energjisë elektrike dhe do të nxirren në ajër 60 milionë tonë gaz karbonik në vit.

Për të kursyer energjinë elektrike dhe për të mbrojtur mjedisin, qeveria kineze inkurajoi që në vitin 1998 prodhimin e frigoriferëve të tipit me kursim dhe pa ndotje dhe inkurajoi të përdoren frigoriferë pa freon.

Ndërmarrja Hajer është ndërmarrja më e madhe e prodhimit të frigoriferëve në Kinë. Kjo ndërmarrje prodhon frigoriferë pa freon me konsum të ulët energjetik. Zoti Gon nga seksioni i tregut i kësaj ndërmarrjeje tha:

Ndërmarrja Hajer i kushton rëndësi të madhe kursimit energjetik që nga procesi i parë i prodhimit.

Tani, jo vetëm ndërmarrja Hajer, por edhe ndërmarrje të tjera të prodhimit të frigoriferëve kanë plotësisht kërkesat e përcaktuara nga qeveria për kursim dhe për mbrojtjen e mjedisit.

Zoti Ma Kajming është një shitës në një supermarket të aparateve shtëpiake. Nga maji deri në tetor të vitit të kaluar, ai ka shitur mbi një mijë frigoriferë të tipit me kursim. Ai tha se përgjegjësia për mbrojtjen e mjedisit është motori i tij për shitjen e frigoriferëve të tipit me kursim. Ai tha:

Burimet natyrore janë duke u pakësuar. Ndotja e mjedisit e shkaktuar nga shfrytëzimi tradicional energjetik ka rrezikuar mjedisin tonë të ekzistencës. Gëzohem shumë, kur shes një frigorifer pa ndotje dhe kur u shpjegon klientëve si të përdoret me kursim. Kjo ka rëndësi të madhe për të ardhmen e njerëzimit.

Sipas të dhënave, me përpjekjet e përbashkëta të qeverisë, të ndërmarrjeve të prodhimit dhe të shitësve, frigoriferët e tipit me kursim dhe pa ndotje pranohen nga gjithnjë e më shumë konsumatorë dhe vëllimi i shitjes së këtyre frigoriferëve përbën mbi 50% të vëllimit të përgjithshëm të shitjes së frigoriferëve. ( zhang )