Ditët e fundit, komiteti i Londrës për kërkimin e organizimit të Lojërave Olimpike shpalli një sërë masash për fitimin e sa më shumë votave, duke përfshirë këtu dhënien e ndihmave prej mbi 20 milionë dollarësh amerikanë për sportistët pjesëmarrës dhe për komitetet olimpike të vendeve pjesëmarrëse, në mënyrë që t'i ndihmojë ata të paguajnë shpenzimet për stërvitjen në Angli para lojërave olimpike.

Komiteti i Nju-Jorkut për kërkimin e organizimit të Lojërave Olimpike premtoi se gjatë 7 vjetëve para lojërave olimpike 2012, do të bëjë falas propagandë për 28 disiplina sportive të lojërave olimpike verore. Federatat ndërkombëtare të këtyre disiplinave sportive mund të gëzojnë falas në Nju-Jork zyra me komputër, telefon dhe punonjës.

Zëdhënësi i Komitetit Ndërkombëtar Olimpik Giser Davis tha se bisedimet midis komisionit të moralit dhe përgjegjësve të qyteteve përkatëse nuk ishin hetime për ta, por ritheksuan më tej rregullat e kërkimit të organizimit për këto qytete dhe përcaktuan nëse premtimet e Londrës dhe të Nju-Jorkut e kalojnë apo jo sferën e raporteve të tyre për kërkimin e organizimit të lojërave olimpike. Për këtë Londra dhe Nju-Jorku mohuan.

Në vitin 2002 u zbulua skandali i procesit të kërkimit nga qyteti amerikan Salt Lake City për organizimin e lojërave olimpike dimrore. Pas kësaj ngjarjeje, Komiteti Ndërkombëtar Olimpik e ka forcuar kontrollin për qytetet që paraqesin kërkesë për organizimin e Lojërave Olimpike.

Krahas Londrës dhe Nju-Jorkut, qytetet e tjera që kërkojnë të organizojnë Lojërave Olimpike janë edhe Parisi, Madridi dhe Moska. Në korrik të këtij viti do të vendoset për qytetin organizator në Singapor. (Wang Lei)