dëgjoni

Vitet e fundit, krahas rritjes së vazhdueshme dhe të shpejtë të ekonomisë kineze, burimet dhe mjedisi ndodhen nën një presion shumë të madh. Për këtë, qeveria kineze ka forcuar kontrollin në shfrytëzimin e burimeve dhe në shkarkimin e ndotjeve dhe ka inkurajuar zhvillimin e ndërmarrjeve shërbyese dhe të industrive me teknologji të larta dhe të reja me konsum të ulët të burimeve dhe me pak ndotje.

Nënkryetarja e Shoqatës së industrisë së mbrojtjes së mjedisit të Kinës, zj. Chen Shangqin i tha gazetarit se në fillim të viteve 70 të shekullit të kaluar, Kina filloi zhvillimin e industrisë së mbrojtjes së mjedisit. Me zhvillim mbi 30 vjeçar, kemi tani një sistem të industrisë së mbrojtjes së mjedisit me degë të ndryshme dhe me përmasa të konsiderueshme. Tani, Kina ka mbi 20 mijë ndërmarrje, që marren me industrinë e mbrojtjes së mjedisit. Vëllimi vjetor i prodhimit të përgjithshëm të industrisë së mbrojtjes së mjedisit i kaloi të 230 miliardë juanët, duke ruajtur një rritje mesatare 15% në vit. Duke folur për arsyet e zhvillimit të shpejtë të industrisë së mbrojtjes së mjedisit në Kinë, zonja Chen tha se drejtimi, përkrahja dhe inkurajimi i qeverisë kanë luajtur rolin e rëndësishëm për zhvillimin e industrisë së mbrojtjes së mjedisit të Kinës. Vendi ynë publikoi planifikimin e zhvillimit të industrisë së mbrojtjes së mjedisit, ka hartuar standardin përkatës dhe politika teknologjike, ka drejtuar orientimin e zhvillimit të industrisë dhe ka rregulluar tregun industrial.

Vitet e fundit, qeveria kineze ka zbatuar një sërë veprash të sistemimit të mjedisit urbanistik dhe ujor, gjë që jo vetëm ka kontrolluar shtimin e ndotjeve të mjedisit, por edhe ka krijuar një treg shumë të madh për zhvillimin e industrisë së mbrojtjes së mjedisit.

Shoqëria e kufizuar e mbrojtjes së mjedisit Ziguang e Universitetit Qinghua është një ndërmarrje e madhe e mbrojtjes së mjedisit e Kinës, që merr pjesë kryesisht në sistemimin e ndotjeve, në bashkëpunimin tregtar të mbrojtjes së mjedisit dhe në biznese të tjera. Të ardhurat e biznesit vjetor arritën mbi 100 milionë juanë. Drejtori i përgjithshëm i kësaj shoqërie, z. Li Xingwen i tha gazetarit se gjatë 3 vjetëve të krijimit, shoqëria e tij, duke u mbështetur tek talentet dhe epërsitë teknike të Universitetit Qinghua, ka zhvilluar aktivisht bashkëpunim me biznesmenët e fabrikave të njohura ndërkombëtare në teknologji, në fonde dhe në anë të tjera. Tani kjo shoqëri ka kryer mbi 600 objekte të vlerësimit të ndikimit të mjedisit dhe mbi 400 objekte të veprave të parandalimit të ndotjeve të mjedisit. Tani ajo po zhvillohet drejt fushave të reja të mbrojtjes së mjedisit.

Zhvillimi i ndërmarrjeve të mbrojtjes së mjedisit nuk ka mbetur jo vetëm në zgjerimin e përmasave të trajtimit të ujërave të ndotura dhe të plehrave, por edhe ka krijuar një koncept për mbrojtjen e mjedisit ekologjik. Tani, shoqëria jonë ka ndërtuar një park industrial ekologjik prej mbi 330 hektarësh në Qingdao, qyteti i Kinës lindore, i cili mund t'u krijojë ndërmarrjeve të mbrojtjes së mjedisit të rajoneve të ndryshme të botës një platformë shumë të mirë të zhvillimit. Këtu ne mund të zhvillojmë bashkëpunimin me të tjerët.

Vitet e fundit, Kina ka zhvilluar bashkëpunimin me institucionet përkatëse ndërkombëtare dhe me investues edhe në trajtimin e ujërave të ndotura dhe të plehrave të qyteteve, në sistemimin e gazit të automjeteve dhe në anë të tjera. Njëkohësisht, nja 100 ndërmarrje të njohura botërore të mbrojtjes së mjedisit kanë hyrë në tregun e mbrojtjes së mjedisit të Kinës.

Industria e mbrojtjes së mjedisit, duke zgjeruar tregun e vet, u ka sjellë konsumatorëve interesa të gjera. Pekini është një qytet me mungesë të burimeve ujore. Për kursimin e ujërave, vitin e kaluar, çmimet e ujërave të Pekinit u ngritën përsëri. Ndër to çmimet e ujërave të përdorimit industrial u ngritën në mënyrë të dukshme, vetëm çmimet e ujërave të larjes së makinave u ngritën 2 herë. Fitimet e vendlarjeve të makinave janë të ulëta. Pas ngritjes së çmimeve të ujërave, shumë vendlarje makinash janë futur në vështirësi. Por larja e makinave me ujëra të trajtuara, i ka ndihmuar pronarët të dalin nga gjendja e vështirë.

Në një vendlarje makinash, që ndodhet në periferi të Pekinit, gazetari pa nga afër se shumë makina po presin të lahen. Pronari i kësaj vendlarjeje, z. Liu Yongli i tha gazetarit se çmimet e larjes së makinave me ujërat e trajtuara janë të ulëta.

Gazetari mori vesh se gjatë disa muajve të fundit, Shoqëria e ujërave të trajtuara të Pekinit nënshkroi kontrata të furnizimit me ujëra të trajtuara nga ujërat e ndotura me 100 vendlarje makinash.

Në vitin 2004, vëllimi i shitjes së produkteve të mbrojtjes së mjedisit të Kinës arriti në 150 miliardë juanë.

Parashikohet se gjatë 5 vjetëve të ardhshëm, Kina do të investojë 900 miliardë juanë në mbrojtjen e mjedisit. Kjo tregon se zhvillimi i industrisë së mbrojtjes së mjedisit do të ketë edhe raste shumë të mëdha. (Sihai)