dëgjoni

Plani i shërbimeve të studentëve vullnetarë në pjesën perëndimore të Kinës për vitin 2005 filloi më 19 prill në Pekin. Në intervistën e tij për gazetarë një nga përgjegjësit e këtij plani, drejtori i drejtorisë së punës së vullnetarëve të rinj pranë Komitetit Qendror të Rinisë Komuniste të Kinës zoti Vang Xuefeng tha se qysh nga zbatimi i këtij palni në vitin 2003, afro 30 mijë studentë vullnetarë kanë shkuar në pjesën perëndimore të Kinës për shërbimet arsimore, mjekësore, tekniko-shkencore bujqësore etj, duke dhënë kontribut pozitiv për zhvillimin ekonomiko-shoqëror të krahinave perëndimore të Kinës.

Duke filluar nga qershori i vitit 2003, Komiteti Qendror i Rinisë Komuniste të Kinës, Ministria e Arsimit, Ministria e Financave, Ministria e Kuadrove e Kinës etj. hartuan  bashkarisht këtë plan, që të diplomuarit e shkollave të larta të atij viti shkonin në zonat e varfra të Kinës perëndimore për të bërë punë vullnetare 1-2 vjeçare. Zoti Vang Xuefeng u tha gazetarëve:

"Ky plan u ka sjellë pjesës perëndimore dhe masave popullore në bazë leverdi. Me entusiazmin dhe njohuritë e tyre vullnetarët studentë kanë zgjidhur shumë probleme praktike për banorët vendorë në fushat arsimore, shëndetësore e sanitare, tekniko-shkencore bujqësore etj. Njëkohësisht me pjesëmarrjen e shërbimet e tyre vullnetare në bazë, studentët janë njohur me kushtet konkrete të vendit dhe kanë forcuar aftësinë e punës."

Zoti Vang Xuefeng tha se në postet arsimore shumë studentë vullnetarë kërkuan të shkojnë në fshatrat me kushtet më të vështira, për t'u dhënë mësime nxënësve të varfër; në anën e përhapjes së agroteknikës, ata thellohen në fshat, për t'u dhënë ndihmë teknike fshatarëve në punimin e tokës në mënyrë shkencore; në fushën sanitaro-mjekësore, ata të ndarë në ekipe mjekësore shkojnë nëpër fshatra, për të dhënë shërbime mjekësore falas për pacientët e zonave të varfra.

Liu Yong 24-vjeçar që u diplomua në një universitet të provincës Hubei të Kinës Qendrore, shkoi në vitin 2003 në një lokalitet të qytetit Chungqing të Kinës jug-perëndimore, për të kryer punë vullnetare shërbimore. Në krye të 7 vullnetarëve ai harxhoi mbi një vit duke krijuar një bazë shembullore tekniko-shkencore me 600 hektarë tokë të mbjellë me lakër vajdhënëse, me përpjekjet e përbashkëta të tij dhe fshatarëve vendorë, rendimenti i lakrës vajdhënëse të këtij lokaliteti i kaloi të një milionë yuanët, duke u dyfishuar në krahasim me të kaluarën dhe të ardhurat mesatare të fshatarëve u shtuan me 100 yuanë për frymë.

Duke folur për jetën mbi njëvjeçare, Liu Yong tha:

"Gjatë mbi një viti, unë i kam vënë në praktikë njohuritë që kam studiuar në shkollë, për të dhënë kështu kontributin tim për zhvillimin e Kinës perëndimore. Kur shikoj se përpjekjet e mia u kanë sjellë banorëve leverdi, gëzohem pa masë."

Pas zbatimit mbi dyvjeçar të këtij plani, afro 10 mijë studentë vullnetarë shprehën dëshirën të mbeten e të punojnë në këto zona pas mbushjes së afatit vullnetar.

Në vitin 2005 për zbatimin e këtij plani do të pranohen edhe mbi 8 mijë vullnetarë nga studentët e diplomuar të mbarë vendit. (Daming )