Të dashur lexues, po fillojmë rubrikën "Tregime dhe legjenda kineze". Sot do t'ju rrëfejmë tregimin historik me titull "Kali qiellor i mbretërisë së Yuanit".

Kur u kthye në kryeqytetin Çang-an pas udhëtimit në zonat perëndimore si i dërguar, Zhang Qian i raportoi perandorit Vudi se atje ishte një mbretëri me një popullsi prej 300 mijë vetash. Banorët atje kishin sy të thellë; burrat linin mjekra të gjata; gratë kishin pozitë të lartë dhe burrat u nënshtroheshin atyre në mënyrë absolute. Zhang Qian tha gjithashtu se banorët e Yuanit nuk dinin të derdhnin vegla prej gize. Ata merrnin nganjëherë monedha ari dhe monedha argjendi të dinastisë Han, por i përdornin si vegla, në vend që t'i përdornin si para.

Zhang Qian tha gjithashtu se në mbretërinë Yuan kultivohej rrushi dhe prodhohej raki prej rrushi. Pasanikët ruanin shumë raki rrushi dhe sasia arrinte deri në 10 mijë kuintalë, rakia nuk prishej edhe sikur të ruhej për 10 vjet. Ata kishin shumë qejf të pintin raki. Atje mbillej edhe jonxhë, që përdorej si silazh për kuajt. Atje kishte shumë kuaj të bukur. Banorët i quanin "kali me djersë si gjak" ose "kali qiellor" dhe thoshnin se paraardhësit e tyre kishin qenë bij të kuajve qiellorë.

Meqenëse i pëlqenin shumë kuajt, perandori Vudi i dinastisë Han dërgoi menjëherë një grup personash, të cilët u nisën për në mbretërinë Yuan për të blerë kuaj qiellorë, duke marrë me vete një sasi të madhe florie dhe një maket kali prej florieri. Ata mbërritën në mbretërinë Yuan, por mbretërve të saj u dhembeshin kuajt dhe nuk donin të shisnin. Për këtë arsye ndodhi një grindje. Pala e të zotit të shtëpisë rrahu njerëzit e grupit të të dërguarve, bile u rrëmbeu atyre florinjë dhe maketin e kalit prej floriri.

Perandori Vudi u zemërua shumë kur mori vesh këtë lajm dhe dërgoi gjeneralin Li Guangli që të godiste mbretërinë Yuan, duke komanduar forca të armatosura prej 100 mijë vetash. Populli i Yuanit kishtë ankerinë ndaj mbretit të vet, sepse veprimi i tij brutal shkaktoi luftën, prandaj e vrau atë. Forcat e armatosura të dinastisë Han u tërhoqën vetëm atëherë kur mbreti i ri i Yuanit u dhuroi atyre 3000 kuaj. Pas disa vjetësh, mbreti Çanfeng i Yuanit u pajtua, dërgoi birin e tij si peng në perandorinë Han dhe dy palët u morën vesh që mbretëria Yuan t'i dhuronte çdo vit perandorisë Han dy kuaj qiellorë.

Duke u kthyer në atdhe, grupi i të dërguarve të dinastisë Han solli me vetë farëra të rrushit dhe të jonxhës. Për arsye se kishte shumë kuaj dhe vinin në Çang-an shumë të dërguar të vendeve të tjera, perandori Vudi mbolli pranë pallatit perandorak një sipërfaqe të madhe me jonxhë. Sot në shumë krahina të Kinës mbillet rrush dhe jonxhë dhe farërat e para ishin sjellë pikërisht në atë kohë nga mbretëria Yuan.

Të dashur lexues, dhamë rubrikën "Tregime dhe legjenda kineze".

(Fund)