Li Y është një yll i rrallë në qarqet artistike kineze. Ajo është prezantuese, aktore dhe njëkohësisht edhe këngëtare. Ditët e fundit, ajo nxorri albumin e saj të dytë me titull "Buzët".

Dëgjoni

Kënga që po dëgjoni titullohet "Buzët". Në një atmosferë romantike, kjo këngë tregon ndrojtjen midis të dashuarve të rinj. Në këtë këngë thuhet "Më mirë të më përqafosh nën çadër sesa të më japësh premtime të bukura. Megjithëse pikat e shiut bien fort mbi çadër, dashuria jote u bë realitet." Nëpërmjet zërit të butë, Li Yu tregon se si e kupton ajo dashurinë.

Li Yu gëzon famë të lartë në qarqet artistike të pjesës së brendshme të Kinës. Para 10 vjetëve, si prezantuese e programit "Filmat kinematografik-televizive botërore", një program i njohur i stacionit televiziv të Pekinit, Li Yu preku shumë spektatorë me buzëqeshjen e saj të ëmbël. Më vonë, Li Yu mori pjesë si aktore në shumë filma dhe në disa seri televizive si "Deti përtej malit", "Natyra e policëve" dhe incizoi albumin e saj të parë të vet me titull "Me gjthë zemër". Ky album është me cilësi të lartë, mirëpo, për shkak se nuk u reklamua shumë, nuk pati suksese të mëdha në shitjen e albumit. Prandaj, Li Yu i kushtoi më shumë vëmendje prezantimit të programeve dhe xhirimit të filmave.

Kësaj here, pas 7 vjetëve, Li Yu u kthye në qarqet e muzikës me albumin e ri "Buzët". Në këtë album, ajo kallëzon tregime të reja dashurie në qytet në shenjë falënderimi për adhuruesit e saj.

 Dëgjoni

Kënga që po dëgjoni titullohet "Shpejtohu për dashurinë". Kjo këngë u tregon të rinjve të qytetit që të kapin rastet kur u vjen dashuria në mënyrë që të mos pendohen kur të plaken. Nëpërmjet një melodie të gëzueshme dhe ritmeve të shpejta, kjo këngë është e mbushur plot me një atomosferë të muzikës pop evropiano-amerikane. Besoj se pavarësisht nga melodia ose ritmet, kjo këngë është shumë e përshtatshme për njerëzit e kohës sonë, në çdo kohë, në rrugë, në veturë ose në rrethana të tjera.

Gjatë këtyre 7 vjetëve, megjithëse Li Y ka dalë nga rrethi i adhuruesve të saj muzikorë, ajo nuk ka hequr dorë nga ambicet e saj në fushën muzikore dhe nuk ka harruar asnjë herë adhuruesit e saj. Në këtë periudhë, për të shtuar më tej përvojat e saj, Li Y mësoi nga jeta, bile edhe nga rolet e luajtura në filma të ndryshëm. Tani, ajo po provon t'i tregojë këto ndjenja në këngët e veta. Për këto arsye, në albumin "Buzët", Li Y tregon plotësisht qëndrimin dhe ndjenjat e të rinjve të qytetit për dashurinë.

10 këngët e albumit "Buzët" janë zgjedhur nga mbi 900 këngë të kandidatit të përputhen me karakteristikat e Li Yu-s. Në fund të këtij programi, ju ftojmë të dëgjoni këngën "Mikeshë", e cila tregon hidhërimin e një vajze të lënë nga i dashuri i saj . (Çan Yean)

 Dëgjoni