Agjencia kineze e lajmeve Hsinhua njoftoi se më l6 prill, u organizua njëkohësisht ceremonia e hapjes së Festivalit të l2-të Kinematografik të Studentëve në teatrin Haidian të Pekinit, në Universitetin e Tiancinit dhe në Universitetin Dongnan të Nankinit. Filmi artistik i regjisorit Huan Jianxin "Ju lutem më vlerësoni", filmi artistik i regjisorit Feng Gong " Me nxitim nuk bëhet asgjë" dhe filmi artistik i regjisorit Jin Ran "Tregim rreth nje dashurie" u shfaqën përkatësisht në ceremonit e hapjes së këtij festivali në të tri qytetet, ku morën pjesë artistët e njohur Wang Zhiwen, Fanwei, Chenhao, Mia Bu etj.

Në këtë festival kinematografik të studentëve do të shfaqen gjithsej 32 filma artistikë, përveç filmave " Në botë nuk ka hajdutë", "Tregimet e një polici të ri " që kanë fituar çmime në festivalet ndërkombëtare, janë edhe 9 filma të regjisorëve dhe artistëve të rinj si "Melodia e malit Yimenshan", "Pritje e vetmuar " etj. Në këtë festival do të konkurojnë për l0 çmime si çmimi i " Filmit më të mirë", i " Regjisorit më të mirë", i "Aktorit më të mirë ", i " Aktores më të mirë" dhe çmimet e krijimeve artistike dhe të jurisë etj.

Në mënyrë që studentët të kenë mundësi të ndjekin më shumë filma të bukur kinezë, komiteti organizativ i këtij Festivali do të organizojë edhe aktivitetin e "turneut të shfaqjes së filmave kinezë në shkolla të larta ", ku studentë të 60 shkollave të larta do të ndjekin falas 2000 shfaqje të filmave të shquar artistikë kinezë. Në këtë festival do të organizohet edhe shfaqja e hapur e filmave të vjetër me titull "Nostalgjia e filmave artistikë", në mënyrë që studentët të njihen me mënyrën e ndjekjes filmave jashtë sallës së kinemasë si në vitet e kaluara.

Përveç këtyre, në këtë festival do të organizohen më se 20 takime midis kineastëve dhe studentëve në Arkivin e kinematografisë kineze dhe takimet e një pjese të regjisorëve në disa shkolla të larta të Shangait, Guanzhout etj, ku do të bëhen shkëmbimet midis kineastëve dhe studentëve.

Në kuadrin e l00 vjetorit të krijimit të Kinematografisë Kineze, Komiteti organizativ ka ftuar edhe regjisorin e njohur tajvanez Li Xing, regjisorin honkongas për filmat me akrobaci Xhy Kë, regjisorët e njohur Er Dongsheng, Feng Xiaogang etj, që të marrin pjesë në simpoziumet përkatëse të këtij festivali. Komiteti organizativ i këtij festivali do të organizojë së bashku me shoqatën e kinematografisë amerikane edhe aktivitete të shkëmbimeve kulturore kino-amerikane.

Festivali i 12-të kinematografik i studentëve të Kinës duke mbajtur lart flamurin e "pathosit rinor, nivelit të lartë shkencor dhe të ndërgjegjes kulturore", i përmbahet kriterit të tij "të organizimit, pjesëmarrjes dhe vlerësimeve nga studentët" dhe po ushtron një ndikim të madh në qarqet arsimore dhe në fushën e kinematografisë kineze. (zhai)