Kohën e fundit, Kina publikoi një dokument me qëllim që të shtohen të ardhurat e fshatarëve. Sipas këtij dokumenti, në të ardhmen, Kina do të marrë masa të tilla si përkrahja e zhvillimit të sektorit të drithërave, vazhdimi i nxitjes së përmirësimit të strukturës bujqësore etj për të shtuar me përpjekje të ardhurat e fshatarëve. Më 9 shkurt, funksionarë dhe specialistë përkatës vunë në dukje se publikimi i këtij dokumenti pasqyron plotësisht vëmendjen e madhe të qeverisë kineze ndaj problemit të shtimit të të ardhurave të fshatarëve dhe ai do të luajë rol të rëndësishëm për shtimin e të ardhurave të fshatarëve dhe për zhvillimin e ekonomisë fshatare.

Tani, shtimi i vështirë i të ardhurave të fshatarëve është bërë problemi më i dukshëm në zhvillimin e bujqësisë dhe të ekonomisë fshatare kineze. Shtimi i ngadalshëm i të ardhurave të fshatarëve jo vetëm ka ndikim negativ për sigurimin e drithërave, por edhe do të kufizojë zhvillimin e ekonomisë fshatare dhe rritjen e ekonomisë kombëtare kineze. Prandaj, shtimi i të ardhurave të fshatarëve dhe garantimi i sigurimit të drithërave janë bërë fokusi i vëmendjes së qarqeve të ndryshme shqërore.

Zv/shefi i zyrës qendrore financiare ekonomike qendrore Cen Si Uen vuri në dukje se publikimi i "mendimeve lidhur me disa politika të këshillit të shtetit për nxitjen e shtimit të të ardhurave të fshatarëve" pasqyron plotësisht vëmendjen e madhe të qeverisë kineze për problemin e shtimit të të ardhurave të fshatarëve. Ai tha:

"Ky dokument ka dy karakteristika të dukshme, së pari përcaktimi i temës së nxitjes së shtimit të të ardhurave të fshatarëve; së dyti ky është dokumenti i parë i komitetit qendror të Partisë Komuniste të Kinës në këtë vit. Në fakt, këto dy karakteristika pasqyrojnë faktin se Kina i kushton shumë rëndësi problemit të nxitjes së shtimit të të ardhurave të fshatarëve. Vetëm me shtimin e pandërprerë të të ardhurave dhe me përmirësimin e pandërprerë të nivelit jetësor të fshatarëve, prodhimi bujqësor do të zhvillohet pa u ndërprerë."

Në këtë dokument të nxitjes së shtimit të të ardhurave të fshatarëve përcaktohet posaçërisht shtimi i të ardhurat të fshatarëve që mbjellin drithëra në zonat kryesore të prodhimit të drithërave duke u parashtruar edhe shumë masa ndihmëse si për shembull fillimi i programit shtetëror të sektorit të drithërave me cilësi të mirë, dhënia ndihmë fshatarëve që blejnë makina dhe pajisje të mëdha bujqësore, shtimi i investimeve në zonat kryesore të prodhimit të drithërave etj.

Asistent profesori i fakultetit të ekonomisë bujqësore të universitetit të popullit të Kinës Ma Gjiu Xhie vuri në dukje se shtimi i të ardhurave të fshatarëve që mbjellin drithëra është në favor të zgjidhjes së problemit të shtimit të vështirë të të ardhurave të fshatarëve. Ai tha:

"Një pikë kryesore në shtimin e të ardhurave të fshatarëve është shtimi i të ardhurave të fshatarëve në zonat kryesore të prodhimit të drithërave. Me shtimin e të ardhurave të këtyre fshatarëve, mund të thuhet se janë shtuar të ardhurat e të gjithë fshatarëve dhe është zvogëluar diferenca e të ardhurave midis qytetarëve dhe fshatarëve, fshatarëve dhe fshatarëve që nuk mbjellin drithëra. Shtimi i të ardhurave të fshatarëve do të nxitë zhvillimin e ekonomisë fshatare dhe shoqërore."

Mësohet se krahas shtimit të të ardhurave të fshatarëve që mbjellin drithëra, Kina do të zhvillojë fuqishëm edhe industrinë e dytë dhe industrinë e tretë fshatare, do të nxitë qarkullimin e mirë të produkteve bujqësore, do të përmirësojë mjedisin e punësimit të fshatarëve në qytet dhe do të forcojë ndërtimin e infrastrukturës fshatare për të zgjeruar kanalet e shtimit të të ardhurave të fshatarëve. Krahas këtyre, Kina do të vazhdojë të bëjë mirë punët e ndihmës ndaj të varfërve për të zgjidhur vështirësitë jetësore dhe të prodhimit të fshatarëve të varfër dhe të fshatarëve që pësojnë fatkeqësi. (fani)