9. Lojërat Olimpike e Sydneit

Qysh nga 15 shtatori deri më 1 tetor, u organizuan në Sydnei Lojërat e 27-ta Olimpike, në të cilat morën pjesë mbi 11 mijë lojëtarë të 200 vendeve. Pas garave të ashpra 15 ditore, u thyen gjithsej 34 rekorde botërore dhe 77 olimpike.

Në Lojërat Olimpike të Sydneit, delegacioni olimpik i Amerikës dhe ai i Rusisë u radhitën në 2 vendet e para. Krahas këtyre, delegacioni olimpik i Kinës fitoi 28 medalje të arta, 16 të argjenda dhe 15 të bronxta, duke u radhitur në vendin e 3-të në listën e medaljeve të arta dhe në listën e medaljeve. Kjo është hera e parë që delegacioni olimpik i Kinës radhitet në 3 vendet e para. Dhe në krahasim me 4 Lojërat Olimpike të mëparshme, delegacioni olimpik i Kinës mori rezultatin më të mirë. Olimpistët kinezë thyen 8 rekorde botërore dhe 11 olimpike, duke vendosur rekordin e ri të fitimit të medaljeve olimpike.

Ndër kampionëve olimpike, 7 olimpistë ruajtën me sukses titullin e kampionit dhe 29 të tjerë fituan për herë të parë medaljen e artë olimpike. Në garat e çiklizmit dhe në ndeshjet e skermës u realizuan përparime të reja.

Lojtarja e moshës së re, Tao Luna, e cila mori pjesë për herë të parë në Lojërat Olimpike, fitoi medaljen e parë të artë të Lojërave Olimpike të Sydneit.

Veteranët Xiong Ni dhe Fu Mingxia, u rikthyen në garë dhe arritën përsëri kulmin e karrierës së tyre sportive. Fu Mingxia u bë një nga olimpistët që fitoi 4 medalje të arta në garën e hedhjes në ujë nga trampolina.

Ekipi i gjimnastikës për meshkuj, pas përpjekjeve të pandërprera prej 47 vjetësh, fitoi medaljen e artë në garën e gjimnastikës si ekip.

Ekipi i hokejit mbi bar i Kinës për femra, që mori pjesë për herë të parë në Lojërat Olimpike, mundi ekipin kampion të botës, ekipin e hokejit mbi bar të Hollandës, duke u radhitur në vendin e 5-të.

Megjithëse futbollistet kineze nuk hynë në ndeshjen çerekfinale, fryma e tyre këmbëngulëse në ndeshjet e zhvilluara fitoi respektin e shikuesve.

Vlen të përmendet se më 22 shtator, delegacioni olimpik i Kinës fitoi 6 medalje të arta, 3 të argjenda dhe 1 të bronxtë, prandaj, kjo ditë u quajt "dita e Kinës". (Jiang Lei)