dëgjoni

Para 23 vjetëve, i riu, Li Dongsheng, pasi u diplomua në shkollën e lartë dhe u kthye në vendlindjen e tij, qyteti Huizhou i provincës bregdetare Guangzhou të Kinës jug-lindore, duke u bërë një teknik i thjeshtë i një ndërmarrjeje të vogël vendase të prodhimit të pajisjeve elektro-shtëpiake. Tani Li Dongsheng është bërë një nga drejtorët e ndërmarrjeve kineze të prodhimit të pajisjeve elektro-shtëpiake. Nëpërmjet kalimit të rrugës së ndërkombëtarizmit, Grupi TCL, i drejtuar nga ai, është bërë ndërmarrja më e madhe e prodhimit të televizorëve me ngjyra në botë. Më poshtë, në rubrikën "Kina në ndërtim" do t'ju flasim për zotin Li Dongsheng dhe procesin e zhvillimit të ndërkombëtarizmit të Grupit të tij.

Sivjet, Li Dongsheng është 48 vjeç. Para mbi 20 vjetëve, ai punonte në një ndërmarrje të prodhimit të aparateve elektrike me investimet e përbashkëta kineze dhe të huaja të qytetit Huizhou të provincës Guangdong. Më vonë, kjo ndërmarrje e aparateve të vogla elektrike është bërë gradualisht një ndërmarrje e madhe me të ardhura vjetore të biznesit prej 30 miliardë juanësh

Në vitin 1996, ai u bë drejtori i përgjithshëm i Grupit TCL, mbështetur në administrimin e tij të veçantë dhe në aftësinë teknike. Në atë kohë, ndërmarrjet e prodhimit të pajisjeve elektro-shtëpiake të Kinës sapo filluan biznesin jashtë vendit dhe përpunonin kryesisht produkte të ndërmarrjeve të huaja. Në vitin 1997 ndodhi kriza monetare e Azisë jug-lindore, e cila ka shkaktuar humbje të rënda për biznesin e ndërmarrjeve të prodhimit të pajisjeve elektro-shtëpiake të Kinës, edhe të Grupit TCL jashtë vendit. Nëpërmjet mësimeve të kësaj krize, Li Dongsheng mendoi se po të zhvillohet biznesi jashtë vendit, duhet të ketë produkte me marka të veta në tregun ndërkombëtar.

Kriza monetare e Azisë jug-lindore ka shkaktuar zhvlerësimin në përmasa të mëdha të monedhave të shumë vendeve të Azisë. Por monedha kineze ka ruajtur qëndrueshmërinë e kursit të valutave. Në rrethana të tilla, ne kemi bërë sakrifica të mëdha në ekonomi.

Pas kësaj krize, Li Dongsheng hartoi një strategji shumë të qartë të zhvillimit të ndërkombëtarizmit për Grupin TCL. Ai i ka konsideruar telezizorët me ngjyra të Grupit TCL, që kanë epërsi në tregun e vendit, si një produkt për zgjerimin e tregut ndërkombëtar dhe ka përpunuar strategji të ndryshme të zhvillimit ndaj tregut të ndryshëm jashtë vendit.

Para 5 vjetëve, Grupi TCL ka zgjedhur në radhë të parë tregjet e vendeve të Azisë jug-lindore për shitjen e produkteve me markat e veta. Sipas njoftimeve, Li Dongsheng e ka marrë këtë vendim nën një presion shumë të madh. Drejtori i përgjithshëm i degës së Vietnamit pranë Grupit TCL, z. Yi Chunyu i tha gazetarit se sipas hetimeve të asaj kohe, aftësia e prodhimit vjetor vendas të televizorëve me ngjyra e Vietnamit e tejkaloi sasinë e shitjes në treg. Shumë njerëz të Grupit TCL ishin të mendimit se Vietnami nuk ka perspektivë të mirë të zhvillimit. Por, pas studimit për gjendjen e tregut të shitjes në Vietnam, Li Dongsheng parashtroi se përqindja e përhapjes së televizorëve me ngjyra në familjet vietnameze ishte 45% vetëm në qytetet e mëdha dhe të mesme. Tregu i fshatrave ishte shumë i gjerë. Përveç këtyre, televizorët me ngjyra me cilësi të mirë dhe çmim të ulët në tregun vietnamez ishin shumë të pakta edhe shërbimi pas shitjes nuk ishte përmirësuar. Prandaj, Li Dongsheng ka dhënë përkrahje të veçantë për shitjen e produkteve në Vietnam. Duke folur për këtë, Yi Chunyu tha se

në fillim të vitit 2000, pikëpamja e atëhershme kryesore e Grupit TCL ishte tërheqja nga tregu vietnamez, sepse mungesa e rasteve të zhvillimit këtu dhe rreziku ishte shumë i madh. Vetëm ne ishim të mendimit se këtu ka shumë raste të mira.

Me përpjekjet e mëdha zoti Li Dong Shen ka arritur suksese të dukshme. Ata kanë prodhuar televizorë me ngjyra për tregun e Vjetnamit. Përvec këtyre, në Vjetnam ata kanë premtuar për shërbimet pas shitjes. Me këto masa të marra nga Shoqëria TCL, televizorët me ngjyra janë shitur mirë në Vjetnam.

Pasi arriti suksese në tregun e Vjetnamit, shoqëria TCL filloi të shesë televizorë me ngjyra edhe në vende të tjera të Azisë jug-lindore. Pastaj ata filluan t'i shesin televizorët me ngjyra edhe në tregjet e Amerikës e të Evropës. (Sihai)