Agjencia kineze e lajmeve Hsinhua njoftoi se më ll prill, Drejtoria Shtetërore e Patentave të njohurive e Kinës, Drejtoria e Përgjithshme Shtetërore e administrimit industrial-tregtar dhe Drejtoria e Patentave Industriale e Francës, ambasada e Francës në Kinë dhe Shoqata e Industrisë prodhuese të Francës organizuan së bashku, në Pekin, simpoziumin ndërkombëtar me titull "Shkëmbimet kino-franceze mbi patentat e njohurive ? dhe sistemi i mbrojtjes së patentave të njohurive të Francës ", me qëllim që të njihet Kina me zbatimin e ligjit francez mbi patentat e njohurive dhe të zhvillohen shkëmbimet e përvojave të sistemeve të veta si dhe të diskutohen problemet e interesit të përbashkët të të dyja palëve në fushën e patentave të njohurive.

Duke mbajtur fjalën e rastit në ceremoninë e hapjes së këtij simpoziumi, drejtori i Drejtorisë Shtetërore të Patentave të Njohurive i Kinës Wang Jingchuan tha se krijimi i një sistemi të mirë të patentave të njohurive dhe mbrojtja me efikasitet i patentave të njohurive është shumë i rëndësishëm për nxitjen e krijimeve të reja teknologjike dhe për zhvillimin ekonomiko-shoqëror si dhe për përmirësimin e mjedisit të investimeve dhe për formimin e një rendi të mirë ekonomik të tregut. Franca ka përvoje të pasur në shërbimet për ndërmarrjet e mesme dhe të vogla, në nxitjen e krijimeve të reja teknologjike dhe të industalizimit të ndërmarrjeve, në ngritjen e respektimit dhe të ndërgjegjes së publikut për mbrojtjen e patentave të njohurive si dhe në forcimin e mbrojtjes së patentave të njohurive me anën e ligjit. Diskutimet e përbashkëta të të dyja palëve, të Kinës dhe Francës, mbi problemet e nxitjes së zhvillimit të ndërmarrjeve me anën e sistemit të patentave të njohurive janë shumë të dobishme.

Zv-drejtori i Drejtorisë së Përgjithshme Shtetërore të administrimit industrialo-tregtar i Kinës Li Dongsheng tha se Franca është vendi i parë që vendosi marrëdhënie të bashkëpunimit dypalësh me Kinën në fushën e markave. Deri tani, Kina dhe Franca kanë organizuar l7 herë mbledhje të grupit të punës së markave, gjë që ka nxitur fuqimisht shkëmbimet dhe bashkëpunimin kino-francez në fushën e markave.

Përfaqësuesi në rang ministri i Tregtisë së jashtme të Francës Los tha se pala franceze do të diskutojë me palën kineze rreth mundësive të krijimit të komisioneve dypalëshe për mbrojtjen e patentave të njohurive.

Në simpozium morën pjesë më se 150 përfaqësues të ardhur nga sektorët qeveritarë, ndërmarrjet, nga qarqet e drejtësisë dhe të shkencës të të dyja vendeve.

Kina dhe Franca kanë zhvilluar bashkëpunimi shumëvjeçar në fushën e patentave të njohurive. Në vitin l998, qeveritë e dy vendeve nënshkruan marrëveshjen e bashkëpunimit mbi patentat e njohurive duke forcuar më tej shkëmbimet dhe bashkëpunimin dypalësh në fushën e patentave të njohurive.(zhai)