Lundrimi me jaht është një sport luksoz, shpenzimet janë më të larta se për golfin, garën Formula-1 etj. Megjithatë, shumë të pasur vendës dhe të huaj që punojnë në Shangai kanë interes të madh për këtë sport të ri. Një biznesmen i Shangait ka blerë dy jahte, ai tha se jahti është simbolli i pasurisë. Një përdorues i jahtit tha se 60% e blerësve të jahtit janë banorë të Shangait.

Në këtë javë, do të zhvillohet në Shangai panairi i 10-të ndërkombëtar i jahtit i Kinës. Në këtë panair do të ekspozohen jahtet e reja të mbi 200 ndërmarrjeve të Francës, Italisë, Australisë etj. që do të tërheqin shumë tifozë të këtij sporti modern. Shangai ka organizuar shumë herë panairë të tillë. Sekretari i përgjithshëm i Shoqatës së anijës të Kinës Yang Xinfa tha se Shangai është bërë gradualisht kampi bazë i sportit të jahtit në pjesën kontinentale të Kinës.

Tani një klub i jahtit i krijuar nga persona të huaj në Shangai ka pranuar mbi 150 anëtarë. Sipas projektit të zhvillimit të Lumit Huangpu të Shangait, deri në vitin 2010, në breg të këtij lumi do të ndërtohen mbi 10 skela jahtesh që do të bregëzojnë mbi 1000 jahte. Zv-presidenti i Shoqërisë botuese "Jahti azi-paqesor"Aman është një tifoz i jahtit, ai tha se në fakt sporti i jahtit është afër me banorët e thjeshtë, për shembull, gara e motonautikës Formula-1 e zhvilluar vitin e kaluar në Shangai tërhoqi shumë të rinj, ata do të jenë konsumatorët e ardhshëm të jahtit.

Edhe shumë personalitete të famshme janë tifozë të jahtit. Për shembull, në vitin 2006, presidenti i Grupit Wanke Wang Shi projekton të lundrojë me jaht rreth botës; me rastin e 600-vjetorit të lundrimit të Zheng Hes në botë, lundërtari kinez Wen Yixuan filloi lundrimin e tij me jaht rreth botës.

Para 10 vjetëve, kur Kina organizoi për herë të parë ekspozitën ndërkombëtare të jahtit, Agjencia e lajmeve e Francës dhe Agjencia amerikane e lajmeve "Associated" e vlerësuan lart këtë dhe u shprehën se kjo ngjarje shënoi hyrjen e jetesës së masave popullore kineze në etapën e re dhe për rast të ri të tregut kinez ndaj biznesmenëve të huaj. Pas 10 vjetëve, në Kinë jo vetëm u dukën tifozë të jahtit, por edhe u nxitën zhvillimi i produkteve të lundrimit, në këtë mënyrë po formohet "kultura e jahtit".

Specialistët u shprehën se tani në Kinë ka mbi 50 klube të jahtit, me fillimin e ndërtimit me radhë të skelave të jahtit në 17 provinca e qytete, parashikohet se në vitin 2008 kur të zhvillohen Lojërat Olimpike të Pekinit, sporti i jahtit në Kinë do të lulëzojë më tej. (Fani)