Të dashur lexues, po fillojmë rubrikën "Tregime dhe legjenda kineze". Sot do j'u rrëfejmë tregimin historik me titull "Udhëtimi i Zhang Qianit në zonat perëndimore".

Para më se 2000 vjetëve, kinezët hapën një rrugë komunikacioni që përshkonte kontinentin aziatik. Nëpërmjet asaj, produktet kineze të mëndafshit në sasi të madhe transportoheshin në Azinë Qendrore, Azinë Perëndimore dhe Evropë, prandaj ajo mori emrin "Rruga e mëndafshit". Në fakt, edhe shkëmbimi i mallrave të tjera dhe shkëmbimet kulturore gjithashtu realizoheshin nëpërmjet kësaj rruge. Por, personi i parë që eksploroi këtë rrugë nuk ishte ndonjë tregtar, por ishte diplomati kinez Zhang Qian i kohës së dinastisë Han.

Në vitin 139 para erës së re, një person nga hunët i zënë robr thoshte se mbretëria Rouzhi ishte pushtuar nga hunët, mbreti i saj ishte therur dhe atij i ishte prerë koka, bile hunët kishin bërë një tas rakie me kockën e kokës së tij, prandaj banorët e Rouzhit ishin arratisur në perëndim, duke ushqyer urrejtje të thellë ndaj hunëve dhe u vinte keq që nuk kishte njerëz që të bashkëpunonin me ta për të përballuar bashkarisht hunët. Në këto rrethana, diplomati Zhang Qian, i dërguar nga perandori Vudi i dinastisë Han dhe në krye të më se 100 personave, u nis për në Rouzhi. Misioni i tij ishte që të merrej vesh me mbretërinë Rouzhi për të goditur hunët nga të dyja anët, nga lindja dhe perëndimi.

Duke kaluar në zonat e kontrolluara nga hunët, Zhang Qian dhe shoqëruesit e tij u mbajtën nga hunët. Pas 10 vjetëve, Zhang Qian dhe disa shoqërues patën rastin dhe ikën fshehurazi. Ata udhëtuan 10 ditë me këmbë dhe arritën në mbretërinë Yuan. Mbreti i Yuanit kishte dëgjuar prej kohësh për perandorinë e madhe Han, prandaj u gëzua pa masë kur u takua me Zhang Qianin dhe shoqëruesit e tij. Ai dërgoi njerëz që të shoqëronin ata për të gjetur banorë të Rouzhit.

Zhang Qiani dhe shoqëruesit e tij kaluan në tokat e mbretërisë Kang-gjy dhe gjetën banorë të Rouzhit. Meqë mbreti i tyre ishte therur nga hunët, mbretëresha ishte në fuqi. Ata ishin arratisur në toka të mbretërisë së Baktrisë, ku tokat ishin pjellore dhe ku nuk kishte shumë kusarë dhe hajdutë. Meqë jetonin relativisht të qetë, ata nuk kishin më dëshirë të luftonin me hunët. Megjithëse Zhang Qian dhe shoqëruesit e tij nuk arritën marrëveshje me Rouzhi, ata jetuan një vit në Baktri.

Gjatë udhëtimit për në atdhe, Zhang Qiani dhe shoqëruesit e tij u kapën përëri nga hunët. Pas një viti, vdiq monarku Çan-yu i hunëve dhe ndodhën turbullira në vendin e tyre. Zhang Qian bashkë me një shoqërues të mbetur gjallë, duke përfituar nga rasti, ikën fshehurazi dhe arritën në kryeqytetin Çang-an në vitin 126 para erës së re.

 Të dashur lexues, dhamë rubrikën "Tregime dhe legjenda kineze".