dëgjoni

Në prill të Pekinit vihet re një atmosferë pranverore. Në universitetin e Pekinit, universitet i njohur i Kinës. Në Qendrën e shkëmbimeve të Universitetit të Pekinit, Princesha tajlandeze Siliton pasi mbajti me gjuhën tajlandeze fjalën e përshëndetjes, mbajti edhe një referat me një zë të butë dhe tinglluese në gjuhën kineze. Referati i saj u prit me duartrokitje të zjarrta të qindra të pranishmeve. Ata përshëndetën këtë princeshë që ka bërë për një kohë të gjatë punë të palodhur për miqësinë kino-tajlandeze.

Kjo ishte vizita e 20-të e princeshës tajlandeze Siliton gjatë më se 20 vjetëve. Sivjet është 30 vjetori i vendosjes së marrëdhënieve diplomatike midis Kinës dhe Tajlandës. Duke marrë me vete dashurinë e thellë për Kinën, princesha Siliton që ka ardhur shumë herë për studimin e gjuhës kineze dhe të kulturës kineze në Universitetin e Pekinit kësaj here e kaloi 50 vjetorin e ditëlindjes së saj në këtë universitet. Kryetari i Shoqatës së popullit kinez për marrëdhëniet miqësore me botën e jashtme Chen Haosu shprehu dëshirën që në të ardhmen, princesha të zotërojë më shumë njohuri dhe të jetë më e zgjuar.

Si dhuratë për ditëlindjen e princeshës Siliton, më 4 prill, Qendrës së shkëmbimeve tekniko-shkencore e kulturore të Universitetit të Pekinit iu dha emri i princeshës Siliton. Në ceremoninë e emërimit të kësaj qendre , morën pjesë kryetari i Shoqatës së Popullit Kinez për marrëdhëniet miqësore me botën e jashtme Chen Haosu, kryetari i Shoqatës së Miqësisë kino-tajlandeze She Guangsheng, sekretari i komitetit të partisë të Universitetit të Pekinit, Min Weifang dhe rektori i Universitetit të Pekinit, Xv Zhihong si dhe më se 300 pedagogë dhe studentë të këtij universiteti. Ata përshëndetën priceshën Siliton, që shënoi një faqe të miqësisë kino-tajlaneze. Edhe liderët e Komitetit të Përhershëm i Asamblesë Kombëtare Popullore të Kinës dhe të Komitetit Kombëtar të Konferencës Konsultative Politike të Popullit kinez si dhe Ministria e Punëve të Jashtme etj i dërguan telegrame urimi dhe buqeta me lule.

Princesha Siliton është bija e dytë e mbretit të Tajlandës Phumibol, që lindi në vitin l955 në Bangkok. Asaj i pëlqen shumë kultura kineze dhe preferon të lëxojë romane klasike dhe poezi të lashta kineze të dinastive Tang dhe Sun. Ajo është përgatitur shumë mirë nga ana letrare, muzikore dhe pikturore. Si misionare besnike e miqësisë kino-tajlandeze, duke filluar nga viti l981, ajo ka ardhur shumë herë në Kinë dhe gjurmët e princeshës Siliton duken pothuajse në të gjitha malet e lumenjtë e Kinës. Ajo i admiron shumë panoramat e bukura natyrore dhe kuriozitetet kulturore të Kinës.

Kultura e lashtë dhe me përmbajtje të pasur e të thellë kineze e ka tërhequr shumë këtë princeshë. Nga viti l981 deri në vitin 2001, princesha Siliton e ftonte çdo të shtunë funksionarin kinez në ambasadën e Kinës në Taljandë për t'i mësuar asaj gjuhën kineze. Në vitin 2001, ajo erdhi posaçërisht në Universitetin e Pekinit për studimin e gjuhës kineze duke e ngritur shumë nivelin e saj të gjuhës kineze.

Në mars të vitit 2000, Ministria e Arsimit e Kinës e dekoroi princeshën Siliton me medaljen e parë të "Miqësisë, të gjuhës dhe kulturës kineze". Në mars të vitit 2001, Universiteti i Pekinit i dha asaj titullin e doktores së nderit dhe në gusht të vitit 2001, Fondi kinez i letërsisë i Shoqatës së shkrimtarëve kinezë e dekoroi asaj "çmimin e letërsisë ndërkombëtare të mirëkuptimit dhe të miqësisë". Këto medalje janë vlerësime të larta për kontributin e saj për miqësinë dhe shkëmbimet kulturore midis Kinës dhe Tajlandës.

Në ceremoninë e dhënies së emrit të saj Qendrës së shkëmbimeve tekniko-shkencore dhe kulturore, princesha Siliton e veshur me kostum të verdhë u tregua shumë e dashur. Gjatë bisedës dhe daljes në fotografi me miqtë kinezë, ajo ka qenë gjithmonë me një buzëqeshje të embël në fytyrë.

Princesha Siliton është një princeshë dijetare. Ajo i ka shënuar gjithmonë mendimet e saj pas shkëmbimeve të mendimeve me të tjerët ose pasi ka dëgjuar referatet e të tjerëve.

Sa herë që ka vizituar Kinën, princesha Siliton i ka përmbledhur përshtypjet e saj në një bllok dhe i ka botuar ato në Tajlandë. Romani "Në tokat e dragoit", prozat dhe poezitë e saj me përmbajtje nga Kina janë përhapur shumë. Gjatë kohës së lirë, ajo ka përkthyer në gjuhën tajlandeze edhe romanin e shkrimtarit kinez Wang Men "Fluturat" etj, në mënyrë që sa më shumë miq tajlandezë të njihen në thellësi me Kinën e kohës së kaluar dhe me Kinën e kohës së sotme.

Pas vizitës në Pekin, princesha Siliton do të bëjë një vizitë në Kinën perendimore si në Sinkiang, Gansu, Sechuan etj. Princesha Siliton tha se ajo do të vazhdojë përpjekjet për përhapjen e kulturës së Kinës dhe të Tajlandës dhe për shtimin e miqësisë midis dy popujve.(zhai)