dëgjoni

Pas diplomimit nga Universiteti Pedagogjik i Yunnanit, Luo Zhengxiu hoqi dorë nga rasti i vazhdimit të studimeve pasuniversitare dhe shkoi në vendlindjen e varfër për t'u punësuar. Si një nga studentët e parë që morën ndihma nga "Programi i ndihmave për nxënësit dhe studentët e varfër të krahinave perëndimore", Luo Zhengxiu nuk do të harrojë kurrë se para 4 vjetëve, kur ajo nuk kishte para për të paguar shpenzimet studimore, "Programi i ndihmave ndaj studentëve të varfër" e ndihmoi të hynte në universitet.

Ka edhe shumë studentët e Luo Zhengxiu që kanë marrë ndihma nga "Programi i ndihmave ndaj nxënësve dhe studentëve të varfër të krahinave perëndimore". Gjatë 5 vjetëve, ky program ka ndihmuar gjithësej 8540 studentë të mbi 300 shkollave të larta dhe 6600 nxënës.

Ndër 1100 studentë të parë që morën ndihma nga "Programi i ndihmave ndaj studentëve të varfër", ka 950 prej tyre që kanë mbaruar studimet. Sipas statistikave, 20% e tyre vazhdojnë studimet pasuniversitare, 80% e diplomantëve punësohen në krahina perëndimore ose merren me punët e shërbimeve vullnetare për të dhënë kontributin e vet për zhvillimin e atdheut dhe të krahinave perëndimore.

Në nëntor të vitit 1999, qeveria kineze filloi të zbatojë politikën e zhvillimit të krahinave perëndimore. Zhvillimi i krahinave perëndimore mbështetet në arsimin, tekniko-shkencën dhe kuadrot. Për të përgatitur kuadro për krahinat perëndimore, në gusht të vitit 2000, Drejtoria e Propagandës e Komitetit Qendror të Partisë Komuniste të Kinës dhe Ministria e Arsimit e Kinës filluan të zbatojnë "Programin e ndihmave ndaj nxënësve dhe studentëve të varfër të krahinave perëndimore".

Çdo vit, "Programi i ndihmave" do të zgjedhë disa studentë të shquar të varfër të ardhur nga krahinat perëndimore dhe do t'u japë atyre 20 mijë juanë për të mbaruar studimet. Krahas këtyre, ky program ndihmon edhe nxënës të shquar të varfër, çdo nxënës mund të përfitojë 6000 juanë ndihma.

Zbatimi i programit të ndihmave ndaj studentëve të varfër pasqyron kujdesin e qeverisë për krahinat dhe studentët e varfër. Në vitin 2002, Tu Junshan u pranua nga Universiteti Qendror i Pakicave Kombëtare me rezultate të mira, por për shkak të varfërisë, ai e humbi pothuajse këtë rast të marrjes së arsimit të lartë, "Programi i ndihmave ndaj studentëve të varfër" e ndihmoi atë të vazhdojë studimet. Në letrën e falënderimit drejtuar Ministrisë së Arsimit, Tu Junshan tha: "Tani nuk shqetësohem më për shpenzimet studimore e jetësore dhe mund të mësoj me zell. Pas diplomimit, do të jap kontributin tim për ndërtimin e krahinave perëndimore."

Studenti Yu Qianguang i Universitetit Pekin ka marrë ndihma nga "Programi i ndihmave ndaj studentëve të varfër". Tani ai është shefi i trupit shërbyes ndaj studentëve të krahinave perëndimore të universitetit. Krahas studimit me zell, në kohën e lirë, ai merret me punë shërbyese ndaj shoqërisë dhe studentëve të varfër. Yu Qiangguang tha: "Jam me fat të mirë që munda të marr ndihma nga programi i ndihmave ndaj studentëve të varfër, por njëkohësisht duhet të mbaj përgjegjësi për të ndihmuar të tjerët." (Fani)