dëgjoni

Më 7prill në mengjes, arriti në portin e Shenzhenit të Kinës jugore kontigjenti i fundit i ndihmës së drithrave, me vlerë prej 7 milionë 200 mijë dollarë amerikanë, që Programi Botëror i Ushqimeve i dha Kinës. Kështu iu dha fund ndihmës 25-vjeçare me drithra nga Programi Botëror i Ushqimeve për Kinën.

Kina ka pranuar një sasi ndihmash prej afro 1 miliardë dollarësh amerikanë gjatë 25 vjetëve

Më 7 prill, u transportuan në Shenzhen 43450 tonë grurë, ndihma të cilat do të shpërndahen në 4 krahina të Kinës qendrore e perëndimore, si Gansu, Guangxi, Ningxia dhe Shansi, për të ndihmuar të varfërit e atjeshëm.

Qysh nga viti 1979, Kina ka bashkëpunuar ngushtë me Programin Botëror të Ushqimeve dhe ka pranuar ndihma falas në drithra nga kjo organizatë me një vlerë prej 925 milionë dollarësh amerikanë. Sipas të dhënave zyrtare kineze, objektet e bashkëpunimit midis të dy palëve kanë luajtur rol të mirë në përmirësimin e kushteve të prodhimit bujqësor dhe të mjedisit ekologjik në krahinat e varfra kineze, në shfrytëzimin e arsyeshëm të burimeve bujqësore dhe në nxitjen e shtimit të prodhimit. Mbi 30 milionë kinezë janë favorizuar nga këto objekte.

Arsyeja kryesore e ndalimit të ndihmave është ulja e popullsisë së varfër

Në vitin 1994, specialisti amerikan i bujqësisë dhe mjedisit, Leicester Braun publikoi një raportin prej 141 faqesh, me titull "Kush do ta mbajë Kinën", ku shprehet mendimi se në fillim të shekullit të 21-të, për të mbajtur mbi 1 miliardë popullsi, Kina ndoshta do të importojë drithra në vëllim të madh. Por në fakt, pasi arriti në Shenzhen kontigjenti i fundit i grurit kanadez prej mbi 40 mijë tonësh në prill të vitit 2004, Kina do të shndërrohet vend ndihmëpranues i drithrave në një vend ndihmëdhënës.

"Ndalimi i ndihmave në drithra për Kinën bëhet për arsye se qeveria kineze është plotësisht në gjendje ta zhdukë varfërinë." tha Doglas Brodrik, përfaqësuesi i Programit Botëror të Ushqimeve në Kinë.

Mësohet se arsyeja kryesore e ndalimit të ndihmave në drithra për Kinën është ulja e popullisë së varfër. Qeveria kineze ka marrë shumë masa efikase në zgjidhjen e problemeve të varfërisë në krahinat perëndimore. Sipas të dhënave të Drejtorisë Shtetërore të Statistikave, gjatë 25 vjetëve të kaluar, popullia e varfër e Kinës u pakësua në mbi 200 milionë veta.

Kina do të marrë pjesë aktivisht në ndihmat ndërkombëtare kundër varfërisë

Me zhvillimin ekonomik, në kohën e pranimit të ndihmave në drithrave nga Programi Botëror i Ushqimeve, qeveria kineze dhe personalitete popullore janë bërë ndihmëdhënës globalë. Gjatë 4 vjetëve të fundit, Kina i ka dhuruar gjithësej 5 milionë dollarë amerikanë Programit Botëror të Ushqimeve.

Një funksionar i Drejtorisë së Bashkëpunimit Ndërkombëtar të Ministrisë së Bujqësisë tha se në të ardhmen, Kina do të marrë pjesë aktivisht në aktivitetet e Programit Botëror të Ushqimeve, si ndihma kundër varfërisë, zhvillimi kompleks i bujqësisë, ndihma urgjente kundër fatkeqësive natyrore, rindërtimi pas fatkeqësive. Njëkohësisht Kina përpiqet që vende të tjera më të varfra të gëzojnë përvojën e Kinës në ndihmat kundër varfërisë dhe fatkeqësive.

Informacionet përkatëse

Duke iu përgjigjur pyetjeve të gazetarëve, zëdhënësi i Ministrisë së Punëve të Jashtme të Kinës Qin Gang tha më 7 prill në një konferencë shtypi se në bazë të aftësisë së vet, Kina do t'i japë gradualisht Programit Botëror të Ushqimeve dhurime në para.

Qin Gang tha: "Kina është akoma një vend në zhvillim dhe nuk është e begatshme. Kemi edhe 29 milionë popullsi të varfër. Megjithatë, duke marrë parasysh që për 850 milionë popullsi në botën tonë nuk zgjidhin akoma problemin e veshmbathjes, Kina do t'i bëjë dhurime Programit Botëror të Ushqimeve sipas mundësive."

Qysh nga viti 2005, Kina do të zbatojë, në 12 provinca, objektin shembullor të mbjelljes orizit me rendiment tepër të lartë. Nëpërmjet këtij objekti, sivjet do të mbillet orizi me rendiment tepër të lartë  në 4 milionë hektarë toka dhe, si rezultat, do të shtohet vëllimi i prodhimit të orizit në 6 miliardë e 500 milionë kilogramë.

Orizi suprem është një varietet i ri orizi, që e ngren vëllimin e prodhimit në 15%. Kina gjendet gjithmonë në nivelin e parë të studimeve mbi orizin me rendiment tepër të lartë. (Wang Lei)