Hapat e pranverës kanë ardhur në Pekin, kudo po çelin lule të bukura, një flad i këndshëm aromatik që fryn, të përkëdhel fytyrën. Ne jemi zhytur në detin e gëzimit së bashku me dëgjuesit tanë të dashur shqiptarë, sepse z.Vasil Naçi, një nga dëgjuesit e rregulltë të emisioneve të gjuhës shqipe fitoi çmimin e posaçëm në konkursin e njohurive "55 vjet ? Kina e re", të organizuar nga Radio e Jashtme e Kinës në vitin 2004 dhe së shpejti do të vijë në Kinë për vizitë falas në Pekin dhe në një qytet tjetër të bukur turistik. Kur e njoftuam për këtë sihariq, z.Vasil Naçi u gëzua dhe u emocionua shumë. Ai na tha në telefon se është shumë i gëzuar, se si një dëgjues qëfilloi të dëgjojë emisionet tona qysh nga krijimi i redaksisë së gjuhës shqipe, fitoi çmimin e posaçëm ia dha rasti të vijë në Kinë dhe ta shikojë nga afër Kinën, ëndrra e tij u bë realitet. Ai tha:

"Është një gëzim i madh për mua, si dëgjues i rregulltë i emisioneve tuaja që nga krijimi i emisioneve në gjuhën shqipe fitimi i çmimit të posaçëm të konkursit "55 vjet ? Kinë e re" dhe që do të shikoj nga afër sukseset madhështore që ka arritur ky vend. Jam shumë i emocionuar nga që m'u bë realitet një ëndërr."

Kush është zoti Vasil Naçi ? Z.Vasil Naçi është një nga dëgjuesit e rregullt të emisioneve të gjuhës shqipe në Radion e Jashtme të Kinës. Ai i ndjek me vëmendje të madhe dhe me gjithë seriozitetin e duhur emisionet tona qysh nga fillimi i transmetimit të emisioneve të gjuhës shqipe më 6 qershor të vitit 1969. Gjatë 36 vjetëve të kaluar ai ka dëgjuar emisionet tona, pa lënë padëgjuar asnjë emision. Edhe në kohën kur emisionet transmetoheshin vetëm në valë të shkurtra dhe cilësia e dëgjimit nuk ishte shumë e mirë, ai ngulte këmbë përsëri t'i dëgjonte. Ai na tha se ka vendosur treguesin e valëve të radios në mënyrë të qendrueshme në vendin e transmetimit të emisioneve të gjuhës shqipe të radios së jashtme të Kinës, që të dëgjojë vazhdimisht emisionet tona.

Emisionet tona i ndjek jo vetëm ai, por edhe bashkëshortja e tij Kristina dhe djemtë e tij. Ai ka organizuar një klub të dëgjuesve, ka ftuar shumë miq dhe kolegë të tij të marrin pjesë në të, për të dëgjuar programin, për të zhvilluar dikutime rreth tij dhe për të organizuar aktivitete të ndryshme. Më vonë aktivitetet e këtij klubi u ndërprenë, po ai u propozon gjithmonë pjesëmarrësve të tij të dëgjojnë emisionet tona dhe të marrin pjesë aktive në konkurset e njohurive të organizuara nga radio jonë.

Nga dëgjimi i vëmendshëm ai njeh me qartësi anët e mira dhe të metat e çdo spikeri dhe spikereje të redaksisë sonë dhe na ka treguar dhe tregon hapur, kur jemi takuar në Tiranë ose nëpër letrave shpesh me përpikmëri gabimet e bëra nga ne.

Z.Vasil Naçi është i vetmi dëgjues që na shkruan rregullisht raporte mbi cilësinë e dëgjimit të emisioneve tona në Shqipëri dhe në vende të tjera përreth. Kur ka ndonjë problem në përmbajtjen e programit ose difekt teknik, ai na shkruan menjëherë dhe na tregon fill e për pe. Edhe sikur gjithçka të jetë normale, ai na dërgon raport. Kur familja e tij shkoi për turizëm në disa vende të tjera, si në Turqi, Tunizi, Kroci etj. ai na tregoi për cilësinë e dëgjimit në ato vende.

Z.Vasil Naçi ka marrë pjesë aktivisht për vit në konkursin e njohurive të organizuar nga radio jonë, ka dhënë përgjigje të hollësishme dhe të sakta. Ai na dërgoi jo vetëm përgjigjet e veta, por edhe përgjigjet e shokëve dhe të miqve të tij, duke shtuar kështu numrin e dëgjuesve pjesëmarrës.

Ai ushqen njdenja të thella të miqësisë ndaj Kinës dhe popullit kinez. Të gjithë anëtarët e redaksisë sonë që kanë qënë në Tiranë për vizitë ose për punë, si dhe titullarë diplomatikë të ambasadës kineze janë ftuar në shtëpinë e tij si mysafirë. Ai gëzohet shumë për fitoret e arritura nga Kina në të gjitha drejtimet. Na ka dërguar letra urimi me rastin e festave të rëndësishme kineze për të shprehur përshëndetjet e tij dhe ne i kemi transmetuar shpesh në emisionet tona përmbajtjet e letrave dhe të intervistave të tij. Kësaj here ai tha se hapja e Kinës ndaj botës, idetë e Den Xiao Pingut, reforma madhështore ekonomike e kanë bërë Kinën një vend më të madh në zhvillim. Pa pjesmarrjen e Kinës, asnjë problem ndërkombëtare nuk mund të zgjidhet. Populli shqiptar që është i lidhur me popullin kinez me një miqësi të përjetshme, gëzohet pa masë për sukseset e arritura nga Kina. Ai tha:

"Hapja e Kinës ndaj botës së jashtme, idetë e Den Xiaopingut, reformat madhështore ekonomike e kanë bërë Republikën Popullore të Kinës një vend në zhvillim më të madh në botë. Asnjë problem ndërkombëtar nuk mund të zgjidhet pa pjesëmarrjen e RP të Kinës. Populli shqiptar që është lidhur me një miqësi të përjetshme me popullin kinez gëzohet pa masë për fitoret që ka arritur Kina dhe i uron asaj suksese të mëtejshme. Përshëndetje nga Tirana."

Në fund z.Vasil Naçi në emër të dëgjuesve të dashur shqiptarë shprehu gëzimin e tij të madh për vizitën që do të bëjë në Kinë. Ai tha se vizita në Kinë është një nder shumë i madh për të gjithë dëgjuesit shqiptarë, sepse kjo është herë e parë gjatë 36 vjetëve të transmetimit të emisioneve të gjuhës shqipe që një dëgjues shqiptar do të vijë në Kinë. Ai u tha dëgjuesve se do të niset nga Tirana dhe do të oreganizohet ceremonia e dekorimit të dëgjuesve. Po të ketë ndonjë pyetje nga dëgjuesit ata mund ta marrin në telefon ose të shkojnë në shtëpinë e tij tij. Ai tha:

"Jam i emocionuar dhe shumë i gëzuar që do të vij në Pekin. Përshëndetje nga Tirana. Unë do të nisem për në Kinë dhe do të bëjmë ceremonitë e çmimit të posaçëm që organizon Radio e Jashtme e Kinës. Unë po lë dhe numrin e telefonit tim të shtëpisë 373179, ose të celularit 682424513. Po të keni ndonjë pyetje për të më drejtuar, mund të ma bëni në këtë adresë. Te Rruga "Mihal Grameno", Pallati 40, shkalla 2, Apartamenti 11, Tiranë. Do të mirëpres çfarëdo lloj pyetje që të keni, se është një nder i madh për të gjithë dëgjuesit shqiptarë, që një dëgjues nga Shqipëria shkon pas një periudhe 36 vjeçare që nga krijimi i Radios së Jashtme të Kinës të vizitojë Kinën. Ju faleminderit." (Pina)