8. Lojërat Olimpike të Atlantës

Viti 1996 është viti i 100-të i Lojërave Olimpike. Qysh nga 19 korriku deri më 4 gusht, u organizuan Lojërat e 26-ta Olimpike në Atlantë të Amerikës.

Në këto lojëra morën pjesë 10788 olimpistë nga 197 vende e rajone të botës. Dhe pati gjithsej 25 rekorde botërore të thyera në këtë lojëra 17-ditore. Shifrat e sipërpërmendura janë rekorde të reja në historinë e Lojërave Olimpike.

Në listën e medaljeve të arta, SHBA-ja, Rusia dhe Gjermania u radhitën në 3 vendet e para dhe delegacioni olimpik kinez u radhit në vendin e 4-të me 16 medalje të arta, 22 të argjenda dhe 12 të bronxta, duke përmbushur synimin e caktuar.

Krahas këtyre, në Atlantë olimpistët kinezë kanë thyer 4 rekorde botërore, kanë vendosur 6 rekorde olimpike, 12 rekorde aziatike dhe 12 rekorde kombëtare kineze. Ndërkohë ekipi i pingpongut i Kinës i fitoi të 4 medaljet e arta olimpike. Këto arritje pasqyruan nivelin e sportit kinez dhe statusin e Kinës në fushën sportive ndërkombëtare.

Vlen të përmendet se pas përpjekjeve të pandërprera, lojëtarët meshkuj kinezë fituan gjithsej 7 medalje të arta, 9 të argjenda dhe 5 të bronxta. Kjo është arritja më e mirë e lojëtarëve meshkuj kinezë në historinë e Lojërave Olimpike.

Delegacioni i Hongkongut dhe i Tajvanit fituan përkatësisht 1 medalje të artë dhe 1 të argjendë.

Lojërat Olimpike e Atlantës shërbyen si një skenë, ku iu tregua botës shpirti etnik i Kinës. Prandaj, po në këtë skenë e gjithë bota e njohu një komb të madh.

Në stadiumin e futbollit të Majamit, kur ekipi i futbollit kinez për femra hyri në ndeshjen finale, e gjithë bota u trondit. Kjo arritje është e mrekullueshme në historinë e futbollit të Kinës, megjithëse ishte hera e parë që ekipi kinez i futbollit për femra merrte pjesë në Lojërat Olimpike. Synimi i këtij ekipi ishte të radhitet në 3 vendet e para të botës në vitin 1999 por siç kemi parë në Atlantë, kjo synim u përmbush 3 vjet para afatit.

Në Lojërat Olimpike të Seulit, lojtari i njohur, Xiong Ni e humbi medaljen e artë për shkak të gjykimit të gabuar. Dhe pas 8 vjetësh, kur në Atlantë ai fitoi një medalje të artë në garën e hedhjes në ujë për meshkuj, realizoi ëndrrën e tij. Lojtarja 18-vjeçare, Fu Mingxia fitoi 2 medalje të arta në garën e hedhjes në ujë nga trampolina dhe nga platforma, duke e vendosur sundimin e saj në këto gara.

Lojtarët e pingpongut fituan të gjitha medaljet. Ish-kryetari i Komitetit Ndërkombëtar Olimpik, zoti Samaranch, ia e dekoroi me medaljen e artë lojtaren kineze, Deng Yaping, e cila e fitoi për herë të 3-të medaljen e artë olimpike në ndeshjen si individ për femra. Më pas, me ndihmën e zotit Samaranch, Deng Yaping u bë anëtarje e Komitetit Ndërkombëtar Olimpike.

Kampioni i gjimnastikës, Li Xiaoshuang u takua me presidentin e kohës së atëhershme të Amerikës, Bill Klinton. Klintoni i tha atij: "megjithëse ke bërë disa veprime të gabuara gjatë garës, përsëritja me këmbët e tua është më e vlefshme." (Jiang Lei)