Para mbi 10 vjetëve, në zonon Haidian, që ndodhet në pjesën veri-perëndimore të Pekinit, kishte një bulevard të njohur tregtar, treg i produkteve elektronike. Në atëkohë, puna kryesore e shoqërive tregtare ishte montimi i pjesëve të produkteve të ndryshme elektronike, të importuara nga vendet e tjera të botës, për t'ua shitur konsumatorëve. Këto shoqëri nuk kishin aftësi studimi dhe krijimi.

Por, nëpërmjet zhvillimit mbi 10 vjeçar, ky bulevard i dikurshëm tregtar është bërë një nga zonat më të mëdha tekniko-shkencore të Kinës, zona tekniko-shkencore e Zhongguancunit. Shoqëritë e shumta të kësaj zone janë bërë shoqëri me teknologji të larta dhe të reja dhe me aftësi studimi e shfrytëzimi të vetën, nga montimi në mënyrë të thjeshtë i kompjiutrit të huaj, celularëve dhe i produkteve të tjera elektronike. Produktet e tyre janë shitur jo vetëm në Kinë, por edhe gëzojnë prestigj të lartë në tregun e përtejdetit.

Sipas njoftimeve, për të përkrahur zhvillimin e industrisë me teknologji të larta dhe të reja, Pekini ka zbatuar një sërë politikash dhe masash të privilegjuara, të cilat kanë përfshirë inkurajimin e ndërmarrjeve kineze dhe të huaja për krijimin e institucioneve të studimit dhe të shfrytëzimit në Pekin, në anulimin e taksave dhe dhënien e kredive të privilegjuara qeveritare ndërmarrjeve, që marrin pjesë në prodhimin e softeve, të ilaçeve biologjike etj.

Duke iu përgjigjur pyetjeve të gazetarëve, anëtari i Komisionit të Shkencave dhe të Teknikave të Pekinit, z. Li Shizhu tha se masat inkurajuese të Pekinit kanë shpejtuar zhvillimin e industrive me teknologji të larta dhe të reja, sidomos të industrive me teknologji të larta dhe të reja, që kanë të drejta të pavarura të autorit.

Pekini ka hyrë gradualisht në fazën e industrive me teknologji të larta dhe të reja me të drejta të pavarura të autorit nga faza e montimit të produkteve të tjera pa të drejta të pavarura të autorit. Gjatë disa vjetëve të fundit, Pekini është zhvilluar shumë shpejt në të drejtat e pavarura të autorit, duke shfrytëzuar teknologjinë e çipit (qarqeve të integruara mikroelektronike), një nga teknologjitë më thelbësore të industrisë informative dhe duke prodhuar në mënyrë të pavarur çipet, që përdoren në aparate fotografike dixhitale, celularë dhe në produkte të tjera.

Zoti Li Shizhu tha se në Pekin ka shumë institucione të rëndësishme studimore të shkencave dhe shkolla të larta me potecial të fortë të studimit të shkencave, me burime të pasura të talenteve dhe me fonde të mjaftueshme për studimin e shkencave. Të gjitha këto kanë krijuar kushte shumë të mira për zhvillimin e industrive me teknologji të larta dhe të reja të Pekinit.

Në zonën tekniko-shkencore të Zhongguancunit ka një ndërmarrje pranë Shoqërisë së Kufizuar Mikroelektronike Zhongxing. Ajo prodhon posaçërisht çipin e Multi-medias, një pjesë kyçe e montuar në video, celular dhe në aparatin fotografik dixhital për trajtimin e imazheve dhe të fotografive të tyre.

Zv/drejtori i kësaj Shoqërie, z. Zhang Hui i tha gazetarit se qysh nga fillimi i krijimit të saj, shoqëria i ka kushtuar rëndësi shumë të madhe studimit dhe shfrytëzimit të çipit. Tani, kjo shoqëri ka mbi 300 patenta brenda dhe jashtë vendit. Ai tha se

Në fillimin e krijimit, shoqëria i ka kushtuar rëndësi shumë të madhe mbrojtjes së të drejtave të autorit, duke shtuar teknikën thelbësore dhe duke forcuar potencialin e konkurrencës.

Në procesin e zhvillimit të industrive me teknologji të larta dhe të reja të Pekinit, zona tekniko-shkencore e Zhongguancunit ka luajtur një rol shumë të rëndësishëm. Gjatë disa vjetëve të fundit, për të tërhequr investimet e shumta të përtejdetit dhe kthimin e studentëve, që kanë mbaruar studimet jashtë vendit, në atdhe për krijimin e ndërmarrjeve, kjo zonë tekniko-shkencore ka zbatuar një sërë politikash dhe masash të privilegjuara nën përkrahjen e administratës së qytetit të Pekinit. Anëtarja e Komitetit të Administrimit të kësaj zone, zj. Zhao Mulan tha se çdo vit kanë lindur shumë ndërmarrje të mesme dhe të vogla tekniko-shkencore. Shumë prej tyre janë krijuar nga personat e kthyer në atdhe nga vendet e tjera të botës. Aftësia e këtyre ndërmarrjeve për krijime tekniko- shkencore është forcuar pandëprerë. Deri në vitin 2004, të ardhurat e kësaj zone kanë zënë 80% të të ardhurave të përgjithshme të industrive me teknologji të lartë dhe të re të Pekinit. (Sihai)