Siç bëri të ditur kryetari i degës së Azisë të Ministrisë së Tregtisë të Kinës Wang Minxin, vitet e fundit, bashkëpunimi ekonomiko-tregtar kino-indian ka marrë një "zhvillim të vrullshëm". Në vitin 2004, vëllimi i përgjithshëm i tregtisë dypalëshe i kaloi të l2 miliardë dollarët amerikanë të parashikuar dhe arriti në l3 miliardë e 600 milionë dollarë amerikanë.

Specialistët janë të mendimit se pas vendimit të marrëdhënieve me jashtë midis Kinës dhe Indisë, veçanërisht pas viteve 90-të të shekullit të kaluar, zhvillimi me shpejtësi i bashkëpunimit dypalësh ekonomiko-tregtar është si rezultat i kontakteve të shpeshta të nivelit të lartë, besimit politik dhe i veprimeve koordinuese midis dy vendeve në fushat ekonomiko-tregtare dhe kulturore e arsimore.

Gjatë vizitës në vitin 2003 në Kinë, ish-kryeministri i Indisë Vaxhepai pati bisedime me shumë liderë të Kinës. Të dyja palët nënshkruan ll dokumente të bashkëpunimit si parimet e marrëdhënieve kino-indiane dhe manifestin e bashkëpunimit të gjithanshëm midis Kinës dhe Indisë etj, për të forcuar shkëmbimet dhe bashkëpunimin midis dy vendeve në fusha të ndryshme. Para disa kohësh, duke iu përgjigjur pyetjeve të gazetarëve, kryeministri i Kinës Wen Jiabao tha : " Shpresoj që 55 vjetori i vendosjes së marrëdhënieve diplomatike midis Kinës dhe Indisë të jetë një nismë e re e bashkëpunimit miqësor kino-indian."

Vitet e fundit, nëpërmjet reformës ekonomike, hapjes ndaj botës së jashtme, zhvillimit me të gjitha forcat të industrive prodhuese, shërbimore dhe të turizmit, India ka realizuar rritje të shpejta ekonomike. Kryeministri i Indisë Sing ka marrë një sërë masash për lulëzimin e ekonomisë, duke përfshirë përmirësimin e instalimeve bazë, tërheqjen e investimeve të huaja etj.

Edhe industria e softeve e Indisë dhe industria e prodhimit e Kinës i kanë krijuar, me epërsinë e vet industriale, horizonte të gjera bashkëpunimit dypalësh.

Analilistët janë të mendimit se bashkëpunimi ekonomiko-tregtar kino-indian ka mundësi të mëdha. Të dyja vendet mund të zhvillojnë më tej bashkëpunimin në fushat e burimeve energjetike, të minierave, të komunikacionit dhe të turizmit etj.

Në mars të këtij viti, gjatë takimit në Pekin me sekretarin diplomatik të Indisë, anëtari i Këshillit të Shtetit të Kinës Tan Jiaxhuan tha Kina dhe India janë dy vende të mëdha në zhvillim. Të dyja palët duhet të kapin rastet, të çojnë në një nivel të ri marrëdhëniet e partneritetit të bashkëpunimit konstruktiv kino-indian, për t'i dhënë kontribut më të madh paqes, stabilitetit dhe lulëzimit të Azisë dhe botës. (zhai)