Në paraditën e 2 prillit, u organizua bashkarisht nga Komiteti Organizativ Olimpik i Pekinit dhe administrada e rrethit Dongcheng pyllëzimi me temë "Për Lojëra Olimpike të gjelbëra, le të ndërtojmë një mjedis të gjelbër". Zv/kryetari i bashkisë së Pekinit, i cili është edhe zv/kryetari i Komitetit Organizativ Olimpik të Pekinit, Liu Jingmin dhe zv/kryetarët e tjerë të komitetit, Jiang Xiaoyu, Li Binghua dhe Yang Shuan morën pjesë në këtë aktivitet.

Krahas këtyre, në të morën pjesë edhe disa lojtarë të njohur, si Li Lingwei, Liu Xia, Zhang Guozheng, etj.

2 prilli është dita e pyllëzimit në Pekin. Me këtë rast, Komiteti Organizativ Olimpik i Pekinit dëshiron t'i tregojë botës që komiteti Organizativ Olimpik i Pekinit dhe bashkia e Pekinit i kushtojnë një vëmendje të madhe mbrojtjes së mjedisit dhe dëshirojnë të stimulojnë pasionin e të gjithë njerëzve të Pekinit për mbrojtjen dhe përmirësimin e mjedisit. (Jiang Lei)