Panairi i Guangzhout është skenë e rëndësishme ekspozuese për shoqërinë tonë. Në këtë panair, shoqëria jonë do të ekspozojë produktet e reja në mënyrë që të zgjerojë tregun e produkteve tona. Prandaj, shoqëria jonë dhe të gjithë nëpunësit i kushtojnë rëndësi shumë të madhe këtij panairi.

Z. Shen Chao Hui tha se Grupi Galanz është ndërmarrja kryesore në industrinë kineze për prodhimin e sobave me mikrovalë. Në vitin 2004, u prodhuan 16 milionë soba me mikrovalë, duke zënë një të tretat e prodhimit të përgjithshëm të këtyre sobave në mbarë botën. Vëllimi i prodhimit të përgjithshëm të saj arriti në 15 miliardë dollarë amerikanë.

Panairi i mallrave të eksportit kinez u krijua në vitin 1957. Ky panair organizohet në pranverë dhe në vjeshtën e çdo viti sipas afatit të caktuar në Guangzhou-qyteti bregdetar i Kinës jugore. Tani, panairi i Guangzhout është bërë një vend takim madhështor i tregtisë ndërkombëtare. Qysh nga fillimi i pranverës së vitit 2004, çdo panair organizohet dy herë. Ai ka qëllim që të tërheqë pjesëmarrjen e më shumë ndërmarrjeve tregtare. Ky, i sivjetshmi është panairi i 95-të i Guangzhout. Në këtë panair ka mbi 27 mijë pavijone dhe llojet e mallrave të ekspozuara i kaluan 15 mijë. Faza e parë e këtij panairi nga data 15 deri më 20 prill të këtij viti përfundoi. Vëllimi i kontratave të nënshkruara arriti në 150 miliardë dollarë amerikanë.

Tani, po fillon faza e dytë e këtij panairi nga data 25 deri më 30 prill të këtij viti. Shoqëria me Përgjegjësi të Kufizuar në Fushën e tregtisë industriale, Binlun, të qytetit Ninbo të provincës Zhëgjian të Kinës që prodhon kryesisht xhupa me pupla, mori pjesë për herë të parë në këtë panair. Qysh nga krijimi i saj në vitin 1991, biznesi i kësaj shoqërie është zhvilluar pandërprerë. Vëllimi i prodhimit vjetor të vitit të kaluar arriti në mbi 6 milionë dollarë amerikanë. Produktet e Binlunit kanë tërhequr shumë tregtarë të huaj. Megjithëse kjo shoqëri mori pjesë për herë të parë në këtë panair, ajo arriti efektivitet të paparashikuar ekonomik. Drejtorja e përgjithshme e kësaj shoqërie zj. Y Qy Xian tha se në ditën e dytë, kam biseduar për biznesin tonë me mbi 50 tregtarë. Në ditën e 3-të, u nënshkruan menjëherë 10 marrëveshje tregtare.

Për të treguar anët më të mira të ndërmarrjes së vet dhe për të zgjeruar ndikimin e produkteve të veta, Grupi Grinkol që ka marrë pjesë në shumë panaire, ka bërë përgatitje të plota, duke projektuar pavijonin e tij prej 460 metrash katrore si një anije të madhe. Nëpunësi i Shoqërisë së pajisjeve elektrike Kelon të Guangzhout pranë Grupit Grinkol z. Gao Qiang i tha gazetarit se panairi i Guangzhout u ka sjellë produkteve të shoqërisë së tij një mundësi shumë të mirë për të pushtuar dhe tregun botëror. .

Sipas njoftimeve të palës organizatore të panairit të Guangzhout, në krahasim me panairin e vitit të kaluar të prekur nga ndikimi i Sarsit, vëllimi i kontratave të nënshkruara në këtë panair u shtua më shumë. Përveç këtyre, për t'u siguruar biznesmenëve kinezë e të huaj kushte të mira të zhvillimit të bisedimeve për tregtinë, panairi i Guangzhout ka përsosur skenën e bisedimeve në internet. (Sihai)