dëgjoni

Maratona e Pekinit, Maratona e Xiamenit, Maratona e Honkongut, Maratona e Qingdaos, Maratona e Uhanit, Maratona e Lhasas? Maratona po bëhet aktualisht sporti më i nxehtë atletik në Kinë. Maratona është disiplina sportive me më shumë pjesëmarrës që kryhet në terrene më të gjera. Në sajë të këtyre karakteristikave, ajo po bëhet një arenë e natyrshme për demonstrimin e një qyteti dhe për reklama tregtare. Qeveritë vendore krijojnë arenën, ndërsa biznesmenët funksionojnë konkretisht, kështu është përhapur, nxehtësisht, Maratona  nëpër qytetet kineze.  

 Maratona e Pekinit 2004

Maratona ka lindur në Greqinë e lashtë. Për të përkujtuar luftimin e Maratonës dhe veprimin heroik të ushtarit Feidipides, në Olimpiadën e parë të lashtë ishte organizuar gara e vrapimit të gjatë, Maratona. Gara moderne zyrtare e maratonës ka një gjatësi prej 42,195 kilometra dhe zhvillohet zakonisht në rrugë automobilistike.

Si i trajtojnë kinezët ndikimet dhe rolin e maratonës urbane? Në Forumin e parë kinez të nivelit të lartë për maratonën, që u mbyll ditët e fundit në qytetin bregdetar kinez, Xiamen, nënkryetari i Shoqatës së Atletikës të Kinës, z. Wang Davei tha:

"Vrapimi është një metodë e lehtë dhe pa shumë shpenzime për stërvitje sportive. Pjesëmarrja e masave në këtë sport është shumë e dobishme. Zhvillimi i maratonës nxit stërvitjet sportive masive, gjë që është në dobi të forcimit të cilësisë fizike të popullit dhe do të nxitur përparimin e sportit të atletikës. Në disa gara maratone janë ftuar të marrin pjesë edhe sportistë të huaj të nivelit të lartë, gjë ngreu edhe nivelin e maratonistëve kinezë profesionistë."

Z. Wang Davei tha se organizimi i maratonës në qytet duhet të ketë 3 kushte paraprake. Së pari, përkrahja nga qeveritë vendore dhe nga sektorët e tjerë të publikut; së dyti, rrugë të përshtatshme për maratonë; së treti, financimi nga ndërmarrje. Gjatë procesit të zhvillimit të maratonës në Kinë, qeveritë vendore dhe ndërmarje të fuqishme brenda e jashtë vendit kanë dhënë përkrahje të forta, ndërkohë televizioni e media të tjera masive, si dhe kompani të biznesit sportiv kanë shfrytëzuar epërsinë e veta në aspektin e përhapjes dhe në grumbullimin e fondeve. P.sh. Maratona e Pekinit, qysh nga lindja e saj e deri më sot, është orgnizuar me sukses 24 herë. Qeveria e Pekinit nuk ka investuar asnjë juan, por të gjitha fondet vijnë nga financimi i ndërmarrjeve.

Tani shumë qyetete kineze kanë organizuar ose janë gati të organizojnë garat e maratonës. Edhe numri i maratonistëve amatorë është shumëfishuar vit pas viti. Z. Wetmor, presidenti i Kompanisë së Atletikës Globale dhe të Marketingut, që u ftua për pjesëmarrje në Forumin e Maratonës në Xiamen, tha:

"Gëzohem shumë që shoh lulëzimin e maratonës në Kinë. Jam i mendimit se nëpërmjet organizimit të kaq shumë garave të maratonës, bota do ta njohë më tej Kinën. Veçanërisht, në sfondin e Lojërave Olimpike 2008 në Pekin, pjesëmarrja e sportistëve të huaj do të bëjë që të njihet nga afër aftësia e spikatur e Kinës për organizim dhe pritje."

Sigurisht, zhvillimi e përhapja e maratonës në Kinë ka qenë një proces gradual. Z. Wang Davei tha se, megjithëse ka patur përparime të mëdha gjatë 20 vjetëve të fundit në përmasat e garave kineze të maratonës dhe në nivelin e maratonistëve, prapëseprapë, ky sport qëndron akoma në një nivel relativisht të ulët në Kinë dhe është i kufizuar vetëm në krahinat e zhvilluara. Pjësëmarrësit amatorë vijnë kryesisht nga zonat lindore bregdetare, ndërkohë maratonistët kinezë profesionistë nuk kanë forcë të mjaftë konkurruese në botë.

Sun Yingjie shpalli kampione në Maratonën e Pekinit 2004

Zhvillimi i vazhdueshëm i maratonës në Kinë ka të bëjë me shumë elemente, por Kina synon të organizatojë maratonën kineze si Londra Maratonën angleze dhe Nju York Maratonën amerikane. (Wang Lei)