Organi i revizionit dhe organi i kontrollit varen nga sektori i posaçëm qeveritar për parandalimin dhe kundërshtimin e korrupsionit. Por në degën qeveritare, korrupsioni shfaqet në shumë fusha, duke përfshirë jo vetëm buxhetin e fondeve financiare dhe përdorimin e tyre, por edhe emërimin dhe heqjen e funksionarëve dhe vendimet e qeverisë. Prandaj organi i revizionit dhe organi i kontrollit kanë funksione të ndryshme. Asistent-profesori i Universitetit Tsinghua, Ren Jian Ming, që merret me studimin e pastërtisë morale të qeverisë, tha:

"Sipas funksioneve të tij, organi i revizionit mbikëqyr kryesisht veprimet administrative që lidhena me problemet financiare. Ai ka vetëm të drejtat e revizionimit dhe të hetimit dhe nuk i ka të drejtat e dënimit dhe të trajtimit. Ndërsa organi i kontrollit ka funksione më të gjera. Ai mund të kontrollojë të gjitha veprimet administrative të të gjithë personave e organeve administrative. Njëkohësisht, ai mund t'i trajtojë këto persona e organe sipas ligjit të kontrollit dhe të paraqitë propozime. Mund të them se këto dy organe kanë funksione të ndryshme dhe mund të përkrahin njeri-tjetrin dhe të koordinojnë. Kjo është shumë e rëndësishme."

Në dhjetëditëshin e tretë të qershorit, kur u publikuan në raportin e revizionimit disa probleme brenda qeverisë, opinioni publik qe në merak nëse këto probleme do të trajtoheshin apo jo. Por shumë shpejt, organi i kontrollit publikoi gjendjen e trajtimit të 24 çështjeve penale, të zbuluara nga organi i revizionit. Në të kaluarën ishte e rrallë që informacione të tilla të publikoheshin. Asistent-profesor Reni tha:

"Vitet e fundit organet e revizionit dhe të kontrollit të Kinës kanë rritu tejdukshmërinë e punëve të tyre. Mendoj se kjo ka rëndësi të madhe, sepse publikimi i informacioneve qeveritare luan një rol bazë për kundërshtimin e korrupsionit."

Zoti Ren Jian Ming është i mendimit se publikimi i raportit të revizionimit do të jetë në favor të hetimeve dhe trajtimit të mëtejshëm të çështjeve penale.

Në fakt, qeveria kineze po krijon një sistem me efikasitet të pastërtisë morale, duke krijuar një sërë organesh kundër korrupsionit, si organet e revizionit, të kontrollit kundër korrupsionit, të parandalimit të krimeve administrative, etj. Zoti Ren Jian Ming tha:

"Asnjë vend tjetër në botë nuk ka aq shumë insitucione të posaçme kundër korrupsionit dhe nuk i kushton aq shumë rëndësi kundërshtimit të korrupsionit sa Kina. Kina është e veçantë në këtë drejtim. Publikimi i raportit të revizionimit forcon bashkëpunimin midis këtyre organeve kundër korrupsionit dhe, si rezultat, tërë sistemi kundër korrupsionit do të ketë më shumë efikasitet." (Wang Lei)