Pozita gjeografike e Gwlmusë është shumë e veçantë. Ai është nyje e rëndësishme e transportit të Çinhasi-t që lidhet me Tibetin, Singjian, Gensun dhe me provinca e rajone të tjera. Qyteti Gëlmusë është edhe bazë industriale për shfrytëzimin e burimeve të ultësirës Çaidamu. Në përputhje me këto kushte, gjatë disa vjetëve të fundit, ndërtimi i qytetit Gëlmu është shpejtuar në mënyrë të dukshme. Deri tani, drejtoria e ndërtimit urbanistik ka bërë transformimin e madh të rrugëve të këtij qyteti. Për këtë, drejtori i kësaj drejtorie Ven Jon An tha se para vitit 1990, investimet e çdo viti në ndërtimin urbanistik ishin të pamjaftshme. Pas vitit 1990, në ndërtimin urbanistik ndodhën ndryshime shumë të mëdha. Ne si drejtori e ndërtimit, kemi shpejtuar ndërtimin urbanistik nëpërmjet kredive bankare dhe disa metodave të tjera të administrimit të qytetit. Vetëm në infrastrukturën janë investuar çdo vit dy miliardë e 100 milionë juanë: Në fund të shtatorit të çdo viti në Gëlmu fillojnë stuhira me rërë, të cilat kanë ndikuar rëndë në cilësinë e jetesës së banorëve të këtij qyteti dhe në mjedisin publik. Për të ndryshuar rrënjësisht këtë gjendje, qyteti Gëlmu ka krijuar një bazë të pyjeve dhe ka ndërtuar kopshtin botanik me një sipërfaqje prej 70 hektarësh. Tani, sheshi me lule Kunlon dhe një sërë veprimesh të pyllëyimeve po ndërtohen me shpejtësi.

Drejtori Ven tha se sheshi me lule Kunlon pas inaugurimit do të jetë jo vetëm një zonë piktoreske e parkut më të madh të Gëlmusë, por edhe një vend i këndshëm pushimi dhe i konsumit të banorëve.

Ndërtimi i këtij sheshi dhe i një sërë veprash të pyllëzimeve do ta ndryshojë shumë pamjen e qytetit Gëlmu. Në të kaluarën, Gëlmu ishte qyteti i të shpërnguurëve. 50% e banorëve të të gjithë qytetit ishin popullsi lëvizëse. Krahas shpejtimit të ndërtimit urbanistik dhe krahas realizimit gradual të planifikimit sipas kërkesave të njerëzve të këtij qyteti, më shumë banorë të Gëlmusë kanë gjetur dobi dhe interes. Ata kanë filluar të jetojnë dhe të punojnë këtu për të realizuar ëndrrën e tyre të jetës së vet.

Për shkaqe pune, zoti li udhëtonte shpesh midis Gëlmusë dhe Sininit. Ai ka mendime shumë të thella për ndryshimet e dy vjetëve të fundit të Gëlmusë, sidomos për ndryshimet e kushteve të banimit të banorëve të qytetit.

Ai tha se gjatë dy vjetëve të fundit, unë mendoj se ndryshimi më i madh është ndërtimi i qytetit Gëlmu. Çmimet e ndërtesave të banimit janë relativisht të mira. Shumë kolegë të mi kanë blerë banesa me një sipërfaqje prej mbi 90 ose mbi 100 metrash katrore. Sipërfaqja e banimit të banorëve të Gëlmusë është relativisht e gjerë dhe e mirë. Sipërfaqja e banimit për frymë është relativisht e madhe në mbarë provincën.

Dhe në të vërtetë, në Gëlmu ka edhe njerëy të tjerë kanë mendime të njejta me zotin Li. Në kantjerin e sheshit me lule Kunlon, gazetari invervistoi një punonjes, i cili ka jetuar për 20 vjet në Gëlmu. Megjithëse vendlindja e tij është provinca Gjiansu që është dy mijë kilometra larg, ai e konsideron Gëlmunë si një vendlindje të dytë. Ai tha se unë punoj si punëtor ndërtimi në Gëlmu dhe krenohem shumë për pjesëmarrjen në ndërtimin e çdo vepre. Gjatë dy vjetëve të fundit, Gëlmuja është zhvilluar shumë shpejt. Kemi marrë pjesë në ndërtimin e këtyre veprave të mira dhe për këtë kënaqemi shumë nga zemra.

Ky drejtor tha se sipas të dhënave statistikore, nga fillimi i vitit 2000, Gëlmuja ka ndërtuar 10 zona banimi me ndërtesa të thjeshta ekonomike, duke investuar gjithsej 300 miliardë juanë. Tani, është zgjidhur problemi i banimit të 3 mijë familjeve.

Mjedisi i qytetit Gëlmu po përsoset nga dita në ditë, dhe kushtet e banimit të banorëve po përmirësohen nga dita në ditë. Përsa u përket banorëve të këtij qyteti, ata janë të mendimit se Gëlmuja është vendi i fillimit të ëndrrës së tyre.