dëgjoni

Ditët e fundit, u mbyll në Pekin, mbledhja vjetore e "Forumit të lartë të zhvillimit të Kinës". Në këtë mbledhje, ngrihet çështja në se ekonomia kineze do të vazhdojë të ruajë një zhvillim të shpejtë dhe të shëndetshëm. Kjo është bërë një nga përqëndrimet e kujdesit të njerëzve.

Gjatë mbi 20 vjetëve të fundit, ekonomia kineze ka ruajtur gjithmonë një rritje mesatare 9%. Si rezultat, Kina është bërë një nga vendet me rritjen më të shpejtë ekonomike në botë. Komuniteti ndërkombëtar është i mendimit se roli i zhvillimit të ekonomisë kineze për nxitjen e ekonomisë botërore është shtuar nga dita në ditë. Rritja ekonomike e Kinës është bërë një faktor i rëndësishëm për ruajtjen e vitalitetit të ekonomisë botërore. Prandaj, ekonomia kineze do të ruajë një zhvillim të shpejtë dhe të shëndetshëm. Kjo është bërë një temë e nxehtë e diskutimeve të personaliteteve kineze dhe të huaja të qarqeve ekonomike në këtë mbledhje vjetore.

Zv/drejtori i Qendrës Studimore të Zhvillimit pranë Këshillit të Shtetit të Kinës, z. Sun Xiaoyu tha se vitet e fundit, me rezultatin e shkallëzimit të vazhdueshëm të strukturës së konsumit të banorëve të Kinës, të shpejtimit të procesit të industrializimit dhe të qytetërimit, të transferimit të shpejtë të shumë industrive botërore në Kinë dhe të faktorëve të tjerë, ekonomia kineze ka hyrë në një periudhë të re të rritjes. Ai është i mendimit se në një periudhë të ardhshme, këta faktorë do të jenë ende forca nxitëse kryesore e zhvillimit të vazhdueshëm dhe të shpejtë të ekonomisë kineze.

Gjatë pesë deri pesëmbëdhjetë vjetëve të ardhshëm, shpejtimi i industrializimit dhe i qytetërimit dhe zhvillimi me përmasa të mëdha i ndërtimit të infrastrukturës së qytetit dhe të fshatit, do të krijojnë një hapësirë shumë të madhe të investimeve. Përveç këtyre, ngritja e të ardhurave të njerëzve dhe shkallëzimi i strukturës së konsumit do të krijojnë zgjerimin e vazhdueshëm të kërkesave të konsumit. Duke u mbështetur tek tregu i gjerë i vendit, tek burimet e pasura të krahut të punës, tek përqindja e lartë e depozitimeve të banorëve, tek vitaliteti shoqëror dhe tek krijimi i teknikës, ekonomia kineze ka mundësi të plotë të vazhdojë të ruajë një rritje të shpejtë.

Drejtori i përgjithshëm i Shoqërisë HSBC-së, z. John Bond është i mendimit se gjatë 5 vjetëve të kaluar, ekonomia kineze ka arritur suksese të dukshme. Krahas shpejtimit të mëtejshëm të reformës, ekonomia kineze mund të ruajë një prirje të zhvillimit të shpejtë.

Sivjet është viti i fundit i planit të 10-të pesëvjeçar të zhvillimit ekonomik dhe shoqëror të Kinës. Gjatë këtyre 5 vjetëve, ekonomia kineze ka ruajtur një përqindje të rritjes së lartë të habitshme, duke frenuar edhe rritjen e tepërt të ekonomisë. Qeveria kineze vendosi të vazhdojë të presë sfida të reja gjatë planit të ardhshëm pesëvjeçar. Këto sfida përfshijnë shpejtimin e lulëzimit të përbashkët të krahinave kontinetale, vazhdimin e thellimit të reformës së ndërmarrjeve shtetërore, stimlimin e kërkesave të vendit dhe përmirësimin e sistemit monetar të Kinës. Të gjitha këto mund të ndihmojnë Kinën në realizimin e rritjes së vazhdueshme dhe të qëndrueshme të ekonomisë.

Nga raporti i studimeve më të reja të Qendrës Studimore të Zhvillimit pranë Këshillit të Shtetit të Kinës, del se gjatë disa vjetëve të ardhshëm, rritja vjetore e mesatare e ekonomisë kineze do të ruhet në 8%. Sipas llogarisë së kursit aktual të valutave, deri në vitin 2010, vëllimi i përgjithshëm i GDP-së kineze do t'i kalojë të 2 trilionë dollarët amerikanë. GDP-ja për frymë do të arrijë në 1700 dollarë amerikanë.

Çfarë ndikimesh do të ushtrojë zhvillimi i ekonomisë kineze për ekonominë botërore. Kjo është gjithmonë një temë e kujdesit të personaliteteve të qarqeve të ndryshme brenda e jashtë vendit. Personalitetet kineze dhe të huaja të qarqeve ekonomike, që morën pjesë në këtë forum, janë të mendimit se zhvillimi i ekonomisë kineze do të ushtrojë pandërprerë ndikim mbi ekonominë botërore dhe do të vazhdojë t'u sjellë vendeve të tjera të botës treg të gjerë dhe raste investimesh. Duke folur për këtë, zoti. John Bond tha se gjatë 25 vjetëve të kaluar, ekonomia kineze e ka hapur portën ndaj botës së jashtme. Gjatë këtij procesi, Kina kaloi Japoninë, duke u bërë vendi i 3-të tregtar në botë. Gjatë 25 vjetëve të ardhshëm, ai është i mendimit se ndikimi i Kinës mbi botën do të jetë më i madh se sot. Përvojat e vendeve të tjera të Azisë treguan se përqindja e lartë e rritjes së vazhdueshme 40 vjeçare do të jetë e mundshme. (Sihai)